(ନୂଆଦିଲ୍ଲୀ): ପୂର୍ବତନ ରାଜ୍ୟସଭା ସାଂସଦ ରାଜୀବ ଶୁକ୍ଲା ପୁଣି ଥରେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)ର ଉପାଧ୍ୟକ୍ଷ ପଦ ସମ୍ଭାଳିବେ । ବିସିସିଆଇ ସଦସ୍ୟମାନେ ସର୍ବସମ୍ମତି କ୍ରମେ ଏହି ପଦବୀ ପାଇଁ ରାଜୀବଙ୍କୁ ଚୟନ କରିବାକୁ ନିଷ୍ପତ୍ତି ନେଇଛନ୍ତି । ପୁର୍ବରୁ ଏନ ଶ୍ରୀନିବାସନ ବିସିସିଆଇ ଅଧ୍ୟକ୍ଷ ଥିବା ବେଳେ ଶୁକ୍ଲା ଉପାଧ୍ୟକ୍ଷ ପଦବୀରେ ଥିଲେ । ସେ ଆଇପିଏଲ ପରିଚାଳନା ପରିଷଦର ଅଧ୍ୟକ୍ଷ ମଧ୍ୟ ରହିଥିଲେ । ବିସିସିଆଇ ପଦ ପାଇଁ ଡିଡିସିଏ ଅଧ୍ୟକ୍ଷ ରୋହନ ଜେଟଲୀ, ରାଜୀବଙ୍କ ନାମ ବିଚାର କରିବାକୁ ପ୍ରସ୍ତାବ ଦେଇଥିଲେ । ଉତ୍ତରାଖଣ୍ଡର ମୋହିତ ବର୍ମା ପ୍ରସ୍ତାବକୁ ଅନୁମୋଦନ କରିଥିଲେ । ଆସନ୍ତା ୨୪ ତାରିଖରେ ଅହମ୍ମଦାବାଦରେ ହେବାକୁ ଥିବା ବିସିସିଆଇର ବାର୍ଷିକ ସାଧାରଣ ବୈଠକରେ ଶୁକ୍ଳାଙ୍କୁ ଆନୁଷ୍ଠାନିକ ଭାବେ ଉପାଧ୍ୟକ୍ଷ ଭାବେ ଘୋଷଣା କରାଯିବ ବୋଲି ସୂଚନା ମିଳିଛି।
ବିସିସିଆଇ ଉପାଧ୍ୟକ୍ଷ ପଦ ସମ୍ଭାଳିବେ ରାଜୀବ ଶୁକ୍ଲା
