ନୂଆଦିଲ୍ଲୀ : ଚୀନର ହାଗଂଜୁରେ ଆୟୋଜନ ହେବ ଏସିଆନ୍ ଗେମ୍ସ ୨୦୨୩ | ଚଳିତବର୍ଷ ଶେଷକୁ ହେବ ଆୟୋଜନ | ହାକୁ ନେଇ ବିସିସିଆଇ ଏକ ବଡ ନିଷ୍ପତ୍ତି ନେଇଛି । ଏସିଆନ ଗେମ୍ସରେ କ୍ରିକେଟ ଇଭେଣ୍ଟର ଆୟୋଜନ ଟି-୨୦ ଭଳି କରାଯାଉଛି । ଏଥିର ଏସିଆନ ଗେମ୍ସକୁ ଉଭୟ ମହିଳା ଏବଂ ପୁରୁଷ କ୍ରିକେଟ ଟିମ୍କୁ ପଠାଇବ ବୋଲି ନିଷ୍ପତ୍ତି ନେଇଛି ।
ତେବେ ବିଶ୍ବକପ ୨୦୨୩ ବେଳେ ଆୟୋଜନ ହେବ ଏସିଆନ ଗେମ୍ସ | ଏଭଳି ସ୍ଥିତିରେ କ୍ରିକେଟରେ ପୁରୁଷ ବି ଟିମକୁ ପଠାଯିବ । ରିପୋର୍ଟ ଅନୁଯାୟୀ, ବିସିସିଆଇ ମଧ୍ୟ ମହିଳା ଖେଳାଳିଙ୍କ ମଜବୁତ ଟିମ୍ ପଠାଇବାକୁ ଯୋଜନା କରିଛି । ଏସିଆନ୍ସ ଗେମ୍ସ ଚଳିତବର୍ଷ ଡିସେମ୍ବର ୨୩ରୁ ୮ ଅକ୍ଟୋବର ମଧ୍ୟରେ ହେବ । ସେହିପରି ବିଶ୍ବକପର ଆୟୋଜନ ୫ ଅକ୍ଟୋବରରୁ ୨୩ ଅକ୍ଟୋବର ପର୍ଯ୍ୟନ୍ତ ହେବ । ଯେଉଁମାନେ ଏସିଆନ ଗେମ୍ସରେ ଖେଳିବେ ସେମାନଙ୍କ ଲିଷ୍ଟ ବିସିସିଆଇ ୩୦ ଜୁନ୍ ପୂର୍ବରୁ ପଠାଇବ ।
ବିସିସିଆଇ ୨୦୧୦ ଏବଂ ୨୦୧୪ରେ ଏସିଆନ ଗେମ୍ସ ପାଇଁ ଯେଉଁ କ୍ରିକେଟ ଇଭେଣ୍ଟ ଆୟୋଜନ କରିଥିଲା । ସେଥିରେ ଭାରତର ପୁରୁଷ କିମ୍ବା ମହିଳା ଟିମ୍ କାହାକୁ ମଧ୍ୟ ପଠାଯାଇନଥିଲା । କିନ୍ତୁ ଚଳିତବର୍ଷ ଚୀନରେ ହେବାକୁ ଥିବା ଏସିଆନ ଗେମ୍ସରେ ଏମାନଙ୍କୁ ସାମିଲ କରାଯିବ । ୨୦୧୮ରେ ଜାକାର୍ତ୍ତାରେ ହୋଇଥିବା ଏସିଆନ ଗେମ୍ସରେ କ୍ରିକେଟ ଇଭେଣ୍ଟର ଆୟୋଜିତ ହୋଇନଥିଲା । ଇଂଲଣ୍ଡରେ ଗତବର୍ଷ ହୋଇଥିବା କମନୱେଲଥ ଗେମ୍ସରେ ଭାରତୀୟ ମହିଳା କ୍ରିକେଟ ଟିମ୍ ଭଲ ପ୍ରଦର୍ଶନ କରିଥିଲା । ଟିମ୍ ଫାଇନାଲରେ ଅଷ୍ଟ୍ରେଲିଆକୁ ଟକ୍କର ଦେଇଥିଲେ । କିନ୍ତୁ ମ୍ୟାଚ୍ ଜିତିପାରିନଥିଲା ।
ସୂଚନା ଅନୁସାରେ, ଭାରତୀୟ ଟିମ୍ ଜୁଲାଇ ୧୨ ତାରିଖରୁ ୱେଷ୍ଟଇଣ୍ଡିଜରେ ଟେଷ୍ଟ ସିରିଜ ଖେଳିବ । ତା’ ପରେ ଦିନିକିଆ ଏବଂ ଟି-୨୦ ମ୍ୟାଚ୍ ଖେଳିବ । ଟିମ୍ ଇଣ୍ଡିଆ ୨ଟି ଟେଷ୍ଟ, ୩ ଟି ଦିନିକିଆ ଏବଂ ୫ଟି ଟି-୨୦ ମ୍ୟାଚ୍ ଖେଳିବ । ଏହାପରେ ଜୁଲାଇ ୨୭ରୁ ଦିନିକିଆ ଏବଂ ଅଗଷ୍ଟ ୩ରୁ ଟି-୨୦ ମ୍ୟାଚ ଖେଳିବ । ବିଶ୍ବକପ ୨୦୨୩ ଟୁର୍ଣ୍ଣାମେଣ୍ଟ ୫ ଅକ୍ଟୋବରରୁ ଆରମ୍ଭ ହେବ । ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚ୍ ଚେନ୍ନାଇରେ ଖେଳାଯିବ । ପୁନେ, ଧର୍ମଶାଳା, ଲକ୍ଷ୍ନୌ ଏବଂ ମୁମ୍ବାଇରେ ଭାରତର ମ୍ୟାଚ୍ ଖେଳାଯିବ ।
