ବିଷମ କଟକ/ରବିନ୍ଦ୍ର କୁମାର ସାହୁ:ରାୟଗଡ଼ା ଜିଲ୍ଲା ବିଷମକଟକର ଝିଅ ବି.ଭିନିଲା ଙ୍କୁ ଚଳିତ ମାସ ୨୯ ତାରିଖ ଦିନ ବିଶାଖାପାଟଣା ୟୁନିଭରସିଟି ଠାରେ ଆୟୋଜିତ କାର୍ଯ୍ୟକ୍ରମରେ ଅଲମ୍ପିକ୍ ଆସୋସିଏସନ୍ ବିଶାଖାପାଟଣା ତରଫରୁ ମାନପତ୍ର ଓ ମେଡେଲ୍ ସହ ୧୦ ହାଜର ଟଙ୍କାର ଉତ୍ସାହନ ରାଶି ପ୍ରଦାନ କରାଯାଇଛି । ସୁଚନା ଥାଉକି: ବି. ଭିନିଲ। ଚଳିତ ବର୍ଷ ପଶ୍ଚିମବଙ୍ଗ ଡ଼ାର୍ଜେଲିଙ୍ଗ ଠାରେ ଆୟୋଜିତ ଏକାଦଶ ତମ ଜାତୀୟ ସ୍ଥରରେ ଚେସ୍ ବକ୍ସିଙ୍ଗ ସିନିୟର୍ ଟୁର୍ଣ୍ଣାମେଣ୍ଟରେ ୪୮ କିଲୋ ମହିଳା ବର୍ଗରେ ସ୍ଵର୍ଣ ପଦକ ଜିତି ଗୌରବ ଆଣିଥିଲେ । ସେ ବିଷମକଟକ ବାସିନ୍ଦା ପିତା ବି.ବିଶେଶ୍ୱର ରାଓ ଓ ମା ବି.ରମାଦେବୀଙ୍କ ଝିଅ ଅଟନ୍ତି । ସେ ନିଜର ସ୍କୁଲ କ୍ୟାରିୟର ବିଷମକଟକ ନିୟୁ ଲାଇଫ ଇଂଲିଶ ମିଡ଼ିଅମ୍ ସ୍କୁଲରେ ଅଧ୍ଯୟନ ପରେ ଯୁକ୍ତ ଦୁଇ ବିଶାଖାପାଟଣା ସଂସ୍କୃତି ଗ୍ଲୋବାଲ୍ ବିଦ୍ୟାଳୟ ରେ ଅଧ୍ଯୟନ କରି ସେଠାରୁ ଚେଶ୍ ବକ୍ସିଂ ପାଇଁ କୋଚିଙ୍ଗ ନେଇଥିଲେ । ସେ ୨୦୨୨ ମସିହାର ତୁର୍କୀ ଦେଶର ଆଣ୍ଟଲ୍ୟ। ସହରରେ ଆୟୋଜିତ ଆନ୍ତର୍ଜାତିକ ସ୍ତରର ଚତୁର୍ଥ ୱ।ର୍ଲ୍ଡସ ଚେସ୍ ବକ୍ସିଙ୍ଗ ଟୁର୍ଣ୍ଣାମେଣ୍ଟରେ ଜୁନିୟର 45 କିଲୋ ବର୍ଗରେ ସ୍ଵର୍ଣ ପଦକ ଜିତି ସେ ଗୌରବ ଆଣିଥିଲେ ।
ଚେସ୍ ବକ୍ସିଂ ଭଳି କ୍ରୀଡ଼ା କ୍ଷେତ୍ରରେ ଆମୋ ରାଜ୍ୟରେ କୌଣସି ଆସୋସିଏସନ୍, କୋଚିଙ୍ଗ କିମ୍ବା କୌଣସି ମୌଳିକ ସୁବିଧା ନଥିବା ବେଳେ ଅନ୍ୟ ରାଜ୍ୟ ରେ ଖେଳି ଗୌରବ ଆଣିଥିବା ଝିଅ କୁ ଅନ୍ୟ ରାଜ୍ୟରେ ସ୍ଵାଗତ ଓ ସମ୍ବର୍ଧନା ସହ ଅଭିନଦନ ଜଣାଉଥିବା ବେଳେ ଆମ ରାଜ୍ୟ,ଜିଲ୍ଲା, ବ୍ଲକ ରେ ଦୃଷ୍ଟି ନ ଦେବା ଏହା ଏକ ପ୍ରଶ୍ନବାଚୀ ସୃଷ୍ଟି କରିଛି । ଆଗମୀ ଦିନରେ ଏହା ଯୁବପିଢୀ ମାନଙ୍କ କ୍ରୀଡା କ୍ଷେତ୍ର ଉପରେ ପ୍ରଭାବ ପକାଇବ ତାହାର ତିଳେ ମାତ୍ର ସନ୍ଦେହ ନାହିଁ । ଏମିତି ପ୍ରତିଭାକୁ ନଜର୍ ଅନ୍ଦାଜ୍ କରିବା ରାଜ୍ଯ, ଜିଲ୍ଲା ଓ ବ୍ଲକ୍ ପ୍ରଶାସନର ପ୍ରତିଭା ଚୟନ ପକ୍ରିୟା ଉପରେ ସାଧାରଣ ଜନତା ମନରେ ପ୍ରଶ୍ନବାଚି ସୃଷ୍ଟି କରିଛି ।
