ଭୁବନେଶ୍ୱରରେ ସ୍କେଟିଂ ପ୍ରଶିକ୍ଷଣ ଶିବିର

(ଓଡ଼ିଶା ସ୍ପୋର୍ଟସ)ଭୁବନେଶ୍ୱର: ଓଡ଼ିଶା ସ୍କେଟିଂ ଆସୋସିଏସନ ଏବଂ ଉତ୍କଳ ୟୁନିକର୍ଣ୍ଣସ ରୋଲର୍ ସ୍ପୋର୍ଟସ ଏକାଡେମୀ ଦ୍ୱାରା ଭୁବନେଶ୍ୱର ସ୍ଥିତ ବୁଦ୍ଧ ପାର୍କରେ ସ୍କେଟିଂ ପାଇଁ ପ୍ରଶିକ୍ଷଣ ଦିଆଯାଉଛି । ଏହି ପ୍ରଶିକ୍ଷଣ ଶିବିର ୭ଦିନ ଧରି ଚାଲିବ । ଏଥିରେ ଓଡ଼ିଶାର ୪୦ରୁ ଅଧିକ ସ୍କେଟର ତାଲିମ ନେଉଛନ୍ତି । ଏମାନଙ୍କ ମଧ୍ୟରୁ ଅନେକ ପ୍ରଶିକ୍ଷାର୍ଥୀ ସିବିଏସଇ ଏବଂ ଆରଏସଏଫଆଇ ଜାତୀୟ ପ୍ରତିଯୋଗିତା ପାଇଁ ମନୋନୀତ ହୋଇଛନ୍ତି । ଅଷ୍ଟମ ଥର ବିଶ୍ୱ ଚମ୍ପିୟନଶିପ ଜିତିଥିବା ଆନ୍ତର୍ଜାତୀୟ ସ୍କେଟିଂ ପ୍ରଶିକ୍ଷକ ଶ୍ରୀ ଗୁଗୁଲିଓ ରାଭାସି ଏହି ପ୍ରଶିକ୍ଷଣ ଦେଉଛନ୍ତି ।