ଅଧୁରା ରହିଲା ପର୍ତ୍ତୁଗାଲର ଷ୍ଟାର ଷ୍ଟ୍ରାଇକର କ୍ରିଷ୍ଟିଆନୋ ରୋନାଲ୍ଡୋଙ୍କ ଫିଫା ବିଶ୍ୱକପ୍ ଜିତିବାର ସ୍ୱପ୍ନ । ତାଙ୍କ ନାମ ସହିତ ଆଉ “ବିଶ୍ୱ ଚାମ୍ପିଅନ୍” ଉପାଧି ଯୋଡ଼ି ହେବ ନାହିଁ । ମଙ୍ଗଳବାର ସ୍ପେନ୍ ପର୍ତ୍ତୁଗାଲକୁ ୧-୦ରେ ପରାସ୍ତ କରିବା ପରେ ଫିଫା ବିଶ୍ୱକପ୍ ୨୦୨୬ରୁ ବାହାର ହୋଇଛି ପର୍ତ୍ତୁଗାଲ । ଏହି ପରାସ୍ତ ସହିତ ପର୍ତ୍ତୁଗାଲ ଫ୍ୟାନ୍ସଙ୍କ ହୃଦୟ ଭାଙ୍ଗିଛି ।
ମ୍ୟାଚ୍ ପରେ ନିରାଶ ରୋନାଲ୍ଡୋ ନିଶ୍ଚିତ କରିଥିଲେ ଯେ, ଏହା ତାଙ୍କ କ୍ୟାରିୟରର ଶେଷ ବିଶ୍ୱକପ୍ । କିନ୍ତୁ ସେ ଏପର୍ଯ୍ୟନ୍ତ ଅନ୍ତର୍ଜାତୀୟ ଫୁଟବଲ୍ରୁ ଅବସର ନେବାର ନିଷ୍ପତ୍ତି ନେଇନାହାଁନ୍ତି । ଆର୍ଲିଙ୍ଗଟନର ଡାଲାସ୍ ଷ୍ଟାଡିୟମରେ ଅନୁଷ୍ଠିତ ଏହି ମ୍ୟାଚ କଡା ମୁକାବିଲା ହୋଇଥିଲା । ପରାଜୟ ପରେ ଲୁହ ଭିଜା ଆଖିରୁ ସ୍ପଷ୍ଟବାରୀ ହେଉଥିଲା ରୋନାଲ୍ଡୋଙ୍କ ଯନ୍ତ୍ରଣା । ସେ ସ୍ୱୀକାର କରିଥିଲେ ଯେ, ତାଙ୍କ ଶେଷ ବିଶ୍ୱକପ୍ ପାଇଁ ବିଦାୟ ନେବା ତାଙ୍କ ପାଇଁ ଅତ୍ୟନ୍ତ ଦୁଃଖଦ ଥିଲା । ତେବେ ଏହା କେବଳ ରୋନାଲ୍ଡୋଙ୍କ ପାଇଁ ନୁହେଁ ବରଂ ତାଙ୍କ ଲକ୍ଷ ଲକ୍ଷ ପ୍ରଶଂସକଙ୍କ ପାଇଁ ଏକ ଦୁଃଖଦ ମୁହୂର୍ତ୍ତ ଥିଲା । ରୋନାଲ୍ଡୋ ପଡ଼ିଆରେ ଲୁହ ଭିଜା ଆଖିରେ ବିଦାୟ ନେଇଥିଲେ । ଏଥିସହିତ ଡାଲାସ୍ ଷ୍ଟାଡିୟମରେ ମ୍ୟାଚ୍ ଦେଖୁଥିବା ତାଙ୍କ ପ୍ରଶଂସକମାନେ ସେମାନଙ୍କ ଲୁହକୁ ରୋକିପାରିନଥିଲେ ।
