ଆଇପିଏଲ ୨୦୨୬କୁ ନେଇ ଲୋକଙ୍କ ମନରେ ବେଶ ଆଶା ଓ ଉତ୍ସାହ ଭରି ରହିଛି । କହିବାକୁ ଗଲେ ପ୍ରଶଂସକମାନେ ଏକ ଆକ୍ସନରେ ପରିପୂର୍ଣ୍ଣ ଆଇପିଏଲ ଦେଖିବା ପାଇଁ ଉତ୍ସାହର ସହ ଅପେକ୍ଷା କରିଛନ୍ତି । ଏହାସହ ରିଟେନ ହୋଇଥିବା ଏମିତି କିଛି ଖେଳାଳି ଅଛନ୍ତି ଯାହାଙ୍କର ଆଇପିଏଲ ୨୦୨୬ ଶେଷ ହୋଇପାରେ ବୋଲି କୁହାଯାଉଛି। ତେବେ ଚାଲନ୍ତୁ ଜାଣିବା କେଉଁ କେଉଁ ଖେଳାଳିଙ୍କର ଚଳିତ ଆଇପିଲ କ୍ୟାରିୟରର ଶେଷ। ତାଲିକାରେ ପ୍ରଥମ ନାମ ହେଉଛି ଏମ୍ ଏସ୍ ଧୋନି। ତେବେ ଶୁଣାଯାଉଛି କି ଡିସେମ୍ବର ୧୬ ତାରିଖରେ ଆଇପିଏଲର ଅକ୍ସନ ଅନୁଷ୍ଠିତ ହେବ। ୨୦୨୩ ମସିହାରେ ଚେନ୍ନାଇ ସୁପର କିଙ୍ଗସ୍ ପଞ୍ଚମ ଆଇପିଏଲ୍ ଟାଇଟଲ୍ ଜିତିବା ପରଠାରୁ ବଜାରରେ ଶୁଣିବାକୁ ମିଳୁଛି ଯେ ଏମଏସ ଧୋନି ଯେକୌଣସି ସମୟରେ ଖେଳକୁ ବିଦାୟ ଦେବେ। ତଥାପି ଅଧିନାୟକ କୁଲ୍ ସମସ୍ତ ଗୁଜବକୁ ଖଣ୍ଡନ କରି ନୂତନ ସିଜିନ୍ ପାଇଁ ଆସିଥିଲେ। ଚେନ୍ନାଇ ସୁପର କିଙ୍ଗ୍ସର ସିଇଓ କାସି ବିଶ୍ୱନାଥ ନିଶ୍ଚିତ କରିଛନ୍ତି ଯେ ଧୋନି ଆଇପିଏଲ୍ ୨୦୨୬ରେ ଖେଳିବେ। ଧୋନିଙ୍କ ଆଣ୍ଠୁ ସମସ୍ୟା କୌଣସି ଗୁପ୍ତ କଥା ନୁହେଁ, ଏବଂ ସଞ୍ଜୁ ସାମସନଙ୍କୁ ତାଙ୍କ ଉତ୍ତରାଧିକାରୀ ଭାବରେ ଦେଖାଯାଉଛି। ସାମସନ ଏବେ ରାଜସ୍ଥାନ ରୟାଲ୍ସରୁ ସିଏସକେକୁ ଯାଇଛନ୍ତି।
ଇଶାନ୍ତ ଶର୍ମାଙ୍କୁ ୨୦୨୬ ଆଇପିଏଲ ପାଇଁ ଗୁଜୁରାଟ ଟାଇଟାନ୍ସ ରିଟେନ୍ କରିଛି। ଗତ କିଛି ସିଜନରେ ତାଙ୍କର ଫର୍ମ ଖରାପ ରହିଛି। ଆଇପିଏଲ ୨୦୨୫ରେ ସେ ସାତଟି ମ୍ୟାଚରେ ମାତ୍ର ଚାରିଟି ୱିକେଟ ନେଇଥିଲେ ଏବଂ ତାଙ୍କର ଇକୋନୋମି ରେଟ୍ ୧୧.୮୦ ଥିଲା। ଗତ ସିଜିନରେ ସେ ଫିଟନେସ୍ ସମସ୍ୟାରେ ମଧ୍ୟ ପୀଡିତ ଥିଲେ। ଯଦି ଇଶାନ୍ତ ୨୦୨୬ ପରେ ଇଣ୍ଡିଆନ୍ ପ୍ରିମିୟର ଲିଗରୁ ଅବସର ନିଅନ୍ତି ତେବେ ଏହା ଆଶ୍ଚର୍ୟ୍ୟଜନକ ନିଷ୍ପତ୍ତି ହେବ ନାହିଁ। ଗତ ସିଜନରେ ଆଜିଙ୍କ୍ୟ ରାହାଣେ କୋଲକାତା ନାଇଟ୍ ରାଇଡର୍ସର ଅଧିନାୟକ ଥିଲେ। କିନ୍ତୁ ତାଙ୍କ ନେତୃତ୍ୱରେ, କେକେଆର ପଏଣ୍ଟ ଟେବୁଲରେ ଅଷ୍ଟମ ସ୍ଥାନରେ ରହିଥିଲା। ଏବେ, ଅଧିନାୟକତ୍ୱ ବିକଳ୍ପ ଖୋଲା ରଖିବା ପାଇଁ, କେକେଆର ତାଙ୍କୁ ଆଇପିଏଲ ୨୦୨୬ ପାଇଁ ରିଟେନ୍ କରିଛି। ମେଗା ନିଲାମରେ ରାହାଣେ ବିକ୍ରୟ ହୋଇନଥିଲେ, କିନ୍ତୁ କେକେଆର ତାଙ୍କ ପାଇଁ ଏକ ବିଡ୍ ରଖିଥିଲା। ରାହାଣେ ଆଇପିଏଲ ୨୦୨୫ରେ ୧୨ଟି ମ୍ୟାଚ୍ ରେ ୩୯୦ ରନ୍ କରିଥିଲେ, ଯାହାର ଷ୍ଟ୍ରାଇକ୍ ରେଟ୍ ପ୍ରାୟ ୧୪୮ ଥିଲା। କିନ୍ତୁ, ସମସ୍ୟା ହେଉଛି ଯେ କେକେଆର ବ୍ୟତୀତ ଅନ୍ୟ କୌଣସି ଦଳ ରାହାଣେଙ୍କ ପ୍ରତି ଆଗ୍ରହ ଦେଖାଉ ନାହାନ୍ତି।
