ଭାରତୀୟ କ୍ରିକେଟ୍ ଦଳର ପୂର୍ବତନ ଖେଳାଳି ମହେନ୍ଦ୍ର ସିଂ ଧୋନି ସୋସିଆଲ ମିଡିଆରେ ସବୁବେଳେ ଚର୍ଚ୍ଚାରେ ରହିଥାନ୍ତି । ମାହିଙ୍କ ଅନେକ ଭିଡିଓ ସୋସିଆଲ ମିଡିଆରେ ସବୁବେଳେ ଭାଇରଲ ହେଉଥିବା ଦେଖିବାକୁ ମିଳିଥାଏ । ନିକଟରେ ଧୋନିଙ୍କ ଏକ ପୁରୁଣା ଭିଡିଓ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି । ଭିଡିଓରେ ସେ ଜଣେ ସିକ୍ୟୁରିଟି ଗାର୍ଡଙ୍କ ସହ ନଜର ଆସିଛନ୍ତି। ଧୋନି ତାଙ୍କୁ ବାଇକରେ ବସାଇ କୌଣସି ସ୍ଥାନରେ ଛାଡୁଥିବାର ଦେଖିବାକୁ ମିଳିଛି ।
ଏହା ହେଉଛି ଧୋନିଙ୍କର ଏକ ପୁରୁଣା ଭିଡିଓ । ଭିଡିଓରେ ସେ ଜଣେ ସିକ୍ୟୁରିଟି ଗାର୍ଡଙ୍କୁ ବାଇକରେ ବସାଇ ଆଣୁଥିବାର ଦେଖିବାକୁ ମିଳିଛି । ଧୋନି ସିକ୍ୟୁରିଟି ଗାର୍ଡଙ୍କୁ ତାଙ୍କ କାମ ସ୍ଥାନରେ ଛାଡି ଚାଲିଯାଉଛନ୍ତି । ସୋସିଆଲ ମିଡିଆରେ ଫ୍ୟାନ୍ସ ଦାବି କରୁଛନ୍ତି ଯେ, ଏହି ଭିଡିଓଟି ଧୋନିଙ୍କ ଫାର୍ମ ହାଉସରୁ ଆସିଛି। ରାଞ୍ଚିରେ ଧୋନିଙ୍କ ଏକ ବିରାଟ ଫାର୍ମ ହାଉସ ରହିଛି। ଏହି ଫାର୍ମ ହାଉସ ୭ ଏକର ଜମିରେ ପରିବ୍ୟାପ୍ତ । ଧୋନିଙ୍କ ଏହି ଭିଡିଓକୁ ପ୍ରଶଂସକମାନେ ବହୁତ ପସନ୍ଦ କରିଛନ୍ତି।
