ନୂଆଦିଲ୍ଲୀ : ହକି ବିଶ୍ବକପ୍ ପାଇଁ ହାତରେ ମାତ୍ର ଦୁଇ ସପ୍ତାହ । ଯେଉଥିପାଇଁ ଭାରତୀୟ ହକି ଟିମ୍ ଓଡିଶାରେ ପହଞ୍ଚି ସାରିଛନ୍ତି । ଭାରତୀୟ ଦଳର ଉତ୍ସାହ ବୃଦ୍ଧି ପାଇଁ ହକି ଇଣ୍ଡିଆ ପକ୍ଷରୁ ବିଶ୍ବକପ୍ରେ ପୁରସ୍କାର ଘୋଷଣା କରାଯାଇଛି । ଯଦି ଭାରତ ବିଶ୍ବକପ୍ରେ ବଜିୟ ଲାଭ କଲା ତାହେଲେ ହର୍ମନପ୍ରୀତ୍ ସିଂହଙ୍କ ନେତୃତ୍ବାଧୀନ ଦଳର ପ୍ରତ୍ୟେକ ସଦସ୍ୟଙ୍କୁ ୨୫ ଲକ୍ଷ ଟଙ୍କା ଲେଖାଏଁ ଦିଆଯିବ । ଏବଂ ସହଯୋଗୀ କର୍ମଚାରୀଙ୍କୁ ୫ ଲକ୍ଷ ଟଙ୍କା ପୁରସ୍କାର ଦିଆଯିବାକୁ ଘୋଷଣା କରାଯାଇଛି। ହେଲେ ଏହାପରେ ଜଦି ଭାରତ ଉପବିଜେତା ହୁଏ ତାହାହେଲେ ପ୍ରତ୍ୟେକ ସଦସ୍ୟଙ୍କୁ ୧୫ ଲକ୍ଷ ଓ ସହଯୋଗୀଙ୍କୁ ୩ ଲକ୍ଷ ଟଙ୍କା ଲେଖାଏଁ ଦିଆଯିବ। କାଂସ୍ୟ ପଦକ ପାଇଥିଲେ ଏହି ରାଶି ଯଥାକ୍ରମେ ୧୦ ଲକ୍ଷ ଓ ୨ ଲକ୍ଷକୁ ହ୍ରାସ ପାଇବ ବୋଲି ଉକ୍ତ ଘୋଷଣାରେ କୁହାଯାଇଛି ।
