କଲମ୍ବୋ(ଓଡିଶା ସ୍ପୋର୍ଟସ): ଭାରତ ଶ୍ରୀଲଙ୍କା ବିପକ୍ଷ ସିରିଜରେ ପ୍ରଥମ ଥର ପାଇଁ ଟସ ଜିତିଛି ଭାରତୀୟ ଦଳ । ଏଥି ସହ ଦିନିକିଆରେ ପ୍ରଥମ ଥର ପାଇଁ ଅଧିନାୟକ ଭାବେ ଟସ ଜିତିଛନ୍ତି ଶିଖର ଧୱନ । ଦିନିକିଆ ସିରିଜର ଶେଷ ତଥା ତଅତୀୟ ମ୍ୟାଚରେ ଟସ ଜିତି ବ୍ୟାଟିଂ କରିବା ପାଇଁ ନିଷ୍ପତ୍ତି ନେଇଛନ୍ତି ଗବ୍ବର ।
ପ୍ରଥମ ଦୁଇଟି ମ୍ୟାଚରେ ଟସ ହାରିଥିବା ବେଳେ ଉଭୟ ମ୍ୟାଚରେ ଦଳ ବିଜୟ ହାସଲ କରିଥିଲା । ତେବେ ଶେଷ ମ୍ୟାଚରେ ଶିଖର ଟସ ଜିତିଛନ୍ତି । ସବୁଠୁ ଆଶ୍ଚର୍ଯ୍ୟଜନକ ଘଟଣା ହେଉଛି ଶେଷ ମ୍ୟାଚ ପାଇଁ ଦଳରେ ମୋଟ ୬ଟି ପରିବର୍ତ୍ତନ କରାଯାଇଛି । ଏଥିମଧ୍ୟରୁ ୫ ଜଣ ଖେଳାଳୀ ଏହି ମ୍ୟାଚରେ ଡେବ୍ୟୁ କରୁଛନ୍ତି । ଏପରିକି ଉପଅଧିନାୟକ ଭୁବନେଶ୍ୱର କୁମାରଙ୍କୁ ମଧ୍ୟ ଏହି ମ୍ୟାଚରେ ବିଶ୍ରାମ ଦିଆଯାଇଛି । ସେମାନେ ହେଉଛନ୍ତି ୱିକେଟ ରକ୍ଷକ ସଞ୍ଜୁ ସାମସନ, ମିଡିଲ ଅର୍ଡର ବ୍ୟାଟ୍ସମ୍ୟାନ ନୀତିଶ ରାଣା ଏବଂ ପେସ ବୋଲର ଚେତନ ସକାରିୟା । ଏମାନଙ୍କ ବ୍ୟତୀତ ଅଲରାଉଣ୍ଡର କ୍ରୀଷ୍ଣପ୍ପା ଗୌତମ ଏବଂ ରାହୁଲ ଚହରଙ୍କୁ ମଧ୍ୟ ଦଳରେ ସ୍ଥାନ ଦିଆଯାଇଛି । ତେବେ ବହୁ ଚର୍ଚ୍ଚାରେ ତିବା ଦେବଦତ୍ତ ପାଡିକଲ କିମ୍ବା ଋତୁରାଜ ଗାଏକ୍ୱାଡ ଡେବ୍ୟୁ ମ୍ୟାଚ ପାଇଁ ଆହୁରି କିଛି ଦିନ ଅପେକ୍ଷା କରିବାକୁ ପଡିବ । ଏହି ୫ ଜଣ ଖେଳାଳୀଙ୍କ ବ୍ୟତୀତ ନବଦୀପ ସୈନୀ ଏହି ମ୍ୟାଚ ଖେଳୁଛନ୍ତି ।
🎥 🎥: That moment when the 5⃣ ODI debutants received their #TeamIndia cap!👏 👏 #SLvIND@IamSanjuSamson | @NitishRana_27 | @rdchahar1 | @Sakariya55 | @gowthamyadav88 pic.twitter.com/1GXkO13x5N
— BCCI (@BCCI) July 23, 2021
ସେହିପରି ଶ୍ରୀଲଙ୍କା ଦଳ ମଧ୍ୟ ତିନୋଟି ପରିବର୍ତ୍ତନ ସହ ତୃତୀୟ ମ୍ୟାଚ ଖେଳିବ । ପ୍ରବୀଣ ଜୟବିକ୍ରମା, ରମେଶ ମେଣ୍ଡୀସ୍ ଓ ଅକିଲା ଧନଞ୍ଜୟଙ୍କୁ ଶେଷ ମ୍ୟାଚ ଖେଳିବା ପାଇଁ ସୁଯୋଗ ମିଳିଛି। ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କୁ ଏହି ମ୍ୟାଚରେ ଉପ ଅଧିନାୟକ ଭାବେ ଖେଳିବାକୁ ସୁଯୋଗ ମିଳିଛି । ତେବେ ଦ୍ୱିତୀୟ ମ୍ୟାଚର ହିରୋ ଦୀପକ ଚହର ଏବଂ ଭୁବନେଶ୍ୱର କୁମାରଙ୍କୁ ଦଳରେ ସ୍ତାନ ନଦେବା ସମସ୍ତଙ୍କୁ ଚକିତ କରିଛି । ତେବେ ୨-୦ ରେ ଆଗୁଆ ରହିଥିବା ଭାରତ ଏହି ମ୍ୟାଚ ଜିତି କ୍ଲିନ ସ୍ୱିପ କରିବା ଆଶାରେ ରହିବ ।
Hello & Good Afternoon from Colombo ☀️ 👍#TeamIndia have elected to bat against Sri Lanka in the third & final ODI of the series. #SLvIND
Follow the match 👉 https://t.co/7LRDbx0DLM
Here is India's Playing XI 👇 pic.twitter.com/pioejNJG5k
— BCCI (@BCCI) July 23, 2021
ଭାରତ: ଶିଖର ଧୱନ୍ (କ୍ୟାପଟେନ୍), ପୃଥ୍ୱୀ ଶ’, ସଞ୍ଜୁ ସାମସନ୍ (ୱିକେଟକିପର), ମନୀଷ ପାଣ୍ଡେ, ସୂର୍ଯ୍ୟକୁମାର ଯାଦବ, ହାର୍ଦ୍ଦିକ ପାଣ୍ଡ୍ୟା, ନୀତୀଶ ରାଣା, କ୍ରିଷ୍ଣାପ୍ପା ଗୌତମ, ରାହୁଲ୍ ଚହର୍, ନଭଦୀପ ସାଇନି, ଚେତନ ସାକାରିୟା।
ଶ୍ରୀଲଙ୍କା: ଅଭିସ୍କା ଫର୍ଣ୍ଣାଣ୍ଡୋ, ମିନୋଦ ଭାନୁକା (ୱିକେଟ୍ କିପର), ଭାନୁକା ରାଜପାକସା, ଧନଞ୍ଜୟ ଡି’ସିଲଭା, ଚରିଥା ଅସଲଙ୍କା, ଦାସୁନ୍ ଶନାକା (କ୍ୟାପଟେନ୍), ରମେଶ ମେଣ୍ଡିସ୍, ଚାମିକା କରୁଣାରତ୍ନେ, ଦୁଷ୍ମନ୍ତ ଚମୀରା, ଅକିଲା ଧନଞ୍ଜୟ, ପ୍ରବୀଣ ଜୟବିକ୍ରମା
