ଏସିଆନ ପାରା ଗେମ୍ସରେ କମାଲ କରୁଛନ୍ତି ଭାରତୀୟ ଖେଳାଳୀ

ନୂଆଦିଲ୍ଲୀ: ଚୀନର ହାଙ୍ଗଝୌରେ ଆରମ୍ଭ ହୋଇ ଯାଇଛି ଏସିଆନ ପାରା ଗେମ୍ସ । ଏସିଆନ ଗେମ୍ସ ଭଳି ଏହି ଇଭେଣ୍ଟରେ ମଧ୍ୟ କମାଲ ପ୍ରଦର୍ଶନ କରୁଛନ୍ତି ଭାରତୀୟ ଖେଳାଳୀ । ସେଠାରେ ଚାଲିଥିବା ୪ର୍ଥ ଏସିଆନ୍ ପାରା ଗେମ୍ସ ୨୦୨୩ରେ ପୁରୁଷ ହାଇ ଜମ୍ପ ଟି-୪୭ରେ କମାଲ କରିଛି ଭାରତ । ଏହି ଇଭେଣ୍ଟରେ ସ୍ୱର୍ଣ୍ଣ, ରୌପ୍ୟ ଏବଂ ବ୍ରୋଞ୍ଜ ଜିତିଛି ଭାରତ । କ୍ଲବ ଥ୍ରୋ ଏଫ୫୧ରେ ଭାରତୀୟ ଖେଳାଳିଙ୍କ ଦବଦବା ରହିଛି । ଭାରତର ନିଶାଦ କୁମାର ହାଇ ଜମ୍ପରେ ସ୍ୱର୍ଣ୍ଣ ପଦକ ଜିତିଛନ୍ତି । ଭାରତ ପୁରୁଷ ହାଇ ଜମ୍ପ ଟି୬୩ ଏବଂ ପୁରୁଷ କ୍ଲବ ଥ୍ରୋ ଏଫ୫୧ରେ ୩ଟି ଯାକ ମେଡାଲ ଜିତିଛି ଭାରତ । ହାଇଜମ୍ପ ଟି୬୩ରେ ଶୈଳେଶ କୁମାର ସ୍ୱର୍ଣ୍ଣ, ମରିୟପ୍ପନ ଥଙ୍ଗାଭେଲୁ ରୌପ୍ୟ ଏବଂ ରାମ ସିଂ ପାଧିୟାର ବ୍ରୋଞ୍ଜ ଜିତିଛନ୍ତି । ଶୈଳେଶ କୁମାର ୧.୮୨ ମିଟର ଏସିଆ ପାରା ଖେଳରେ ରେକର୍ଡ କରିବା ସହିତ ପ୍ରଥମ ସ୍ଥାନ ହାସଲ କରିଛନ୍ତି । ତେବେ ଆସନ୍ତା ୨୮ ତାରିଖ ପର୍ୟ୍ୟନ୍ତ ଚାଲିବ ଏସିଆନ ପାରା ଗେମ୍ସ ।