ଭାରତୀୟ କ୍ରିକେଟ୍ ଟିମର ନୂଆ କିଟ୍ ପ୍ରାୟୋଜକ: ଆଦିଦାସ

ମୁମ୍ବାଇ: ଆଦିଦାସ ଖୁବଶୀଘ୍ର ଭାରତୀୟ କ୍ରିକେଟ୍ ଟିମର ନୂଆ କିଟ୍ ପ୍ରାୟୋଜକ ହେବାକୁ ଯାଉଛି। ବିସିସିଆଇ ସମ୍ପାଦକ ଜୟ ଶାହ ଏ ସମ୍ପର୍କରେ ସୋମବାର ଦିନ ଘୋଷଣା କରିଛନ୍ତି। ଭାରତୀୟ ଦଳର ବର୍ତ୍ତମାନର କିଟ୍ ପ୍ରାୟୋଜକ କିଲର ଜିନ୍ସର ଚୁକ୍ତି ମେ ୩୧ ତାରିଖରେ ଶେଷ ହେଉଥିବା ବେଳେ ଏହାପରଠୁ ଆଦିଦାସ ସହିତ ନୂଆ ଚୁକ୍ତି ଲାଗୁ କରିବାକୁ ଯାଉଛି ବିସିସିଆଇ । ପୂର୍ବରୁ ଆସିଥିବା ଏକ ରିପୋର୍ଟ ଅନୁଯାୟୀ, ଆଦିଦାସ ସହିତ ବିସିସିଆଇ ପାଖାପାଖି ୩୫୦ କୋଟି ଟଙ୍କାର ଚୁକ୍ତି କରିବାକୁ ଯାଉଛି। ସେହିପରି ମୁଖ୍ୟ ପ୍ରାୟୋଜକ ବାୟଜୁସ୍ ଏହାର ଚୁକ୍ତିକୁ ନଭେମ୍ବର ମାସ ପରେ ଆଉ ବଢ଼ାଇବା ଲକ୍ଷ୍ୟରେ ନାହିଁ। ତେଣୁ ବିସିସିଆଇ ଏଥିପାଇଁ ଏକ ନୂଆ ପ୍ରାୟୋଜକ ଯୋଗାଡ଼ କରିବାକୁ ଲାଗିପଡ଼ିଛି।