ଭାରତୀୟ ମହିଳା କ୍ରିକେଟ୍ ଦଳ, ବିଶ୍ୱକପ୍ ଜିତି ଇତିହାସ ରଚିଛି। ମୁମ୍ବାଇର ଡିୱାଇ ପାଟିଲ ଷ୍ଟାଡିୟମରେ ଖେଳାଯାଇଥିବା ଫାଇନାଲ୍ ମ୍ୟାଚ୍ରେ, ଟିମ୍ ଇଣ୍ଡିଆ ଦକ୍ଷିଣ ଆଫ୍ରିକାକୁ ପରାସ୍ତ କରିଛି। ଏହା ଭାରତୀୟ ମହିଳା ଦଳର ପ୍ରଥମ ଆଇସିସି ଟାଇଟଲ୍ ମଧ୍ୟ। ଦଳ ୨୦୦୫ ଏବଂ ୨୦୧୭ରେ ବିଶ୍ୱକପ୍ ଫାଇନାଲ୍ରେ ପରାସ୍ତ ହୋଇଥିଲା। କିନ୍ତୁ ଏଥର, ହରମନପ୍ରୀତ କୌରଙ୍କ ନେତୃତ୍ୱରେ, ଖେଳାଳିମାନେ କୌଣସି ଭୁଲ କରି ନଥିଲେ।
ଏବେ ଭାରତୀୟ ମହିଳା କ୍ରିକେଟ୍ ଦଳ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିବା ପାଇଁ ନୂଆଦିଲ୍ଲୀ ଯିବେ। ଦଳ ବର୍ତ୍ତମାନ ମୁମ୍ବାଇରେ ଅଛି । ଏବଂ ନଭେମ୍ବର ୪ ତାରିଖରେ ପ୍ରଧାନମନ୍ତ୍ରୀଙ୍କୁ ଭେଟିବ। ପ୍ରଧାନମନ୍ତ୍ରୀ ମୋଦି, ଭାରତୀୟ ମହିଳା କ୍ରିକେଟ ଦଳକୁ, ବିଜୟ ପାଇଁ ଅଭିନନ୍ଦନ ଜଣାଇଛନ୍ତି। ସେ ଖେଳାଳିମାନଙ୍କ ମନୋବଳ ଏବଂ ଏକତାର ପ୍ରଶଂସା କରିଛନ୍ତି। ପ୍ରଧାନମନ୍ତ୍ରୀ ଟ୍ୱିଟରରେ ଲେଖିଛନ୍ତି, “ICC ମହିଳା କ୍ରିକେଟ୍ ବିଶ୍ୱକପ୍ ୨୦୨୫ ଫାଇନାଲରେ ଭାରତୀୟ ଦଳର ଏକ ଚମତ୍କାର ବିଜୟ କରିଛି । ଫାଇନାଲରେ ସେମାନଙ୍କର ପ୍ରଦର୍ଶନ ଦକ୍ଷତା ଏବଂ ଆତ୍ମବିଶ୍ୱାସରେ ପରିପୂର୍ଣ୍ଣ ଥିଲା। ଦଳ ସମଗ୍ର ଟୁର୍ଣ୍ଣାମେଣ୍ଟରେ ଅସାଧାରଣ ଦଳଗତ କାର୍ଯ୍ୟ ଏବଂ ଦୃଢ଼ତା ପ୍ରଦର୍ଶନ କରିଥିଲା। ଆମର ଖେଳାଳିମାନଙ୍କୁ ଅନେକ ଅନେକ ଅଭିନନ୍ଦନ।
