ବିଷମ କଟକ (ରବିନ୍ଦ୍ର କୁମାର ସାହୁ) :ରାୟଗଡ଼ା ଜିଲ୍ଲା ବିଷମ କଟକ ବ୍ଲକ୍ ସଦରମହକୁମାର ମିନି ଷ୍ଟାଡିଅମ୍ ଠାରେ ପ୍ରଥମ ଡ. ଭି.ଆର୍ ଆମ୍ବେଦକର ଅନ୍ତରାଜ୍ୟ ଫୁଟବଲ୍ ଟର୍ଣ୍ଣମେଣ୍ଟର ଶୁଭାରମ୍ଭ ହୋଇଯାଇଛି । ଏହି କାର୍ଯ୍ୟକ୍ରମରେ ମୂଖ୍ୟ ଅତୀଥି ଭାବେ ବିଷମକଟକ ଗୋଷ୍ଟି ଉନ୍ନୟନ ଅଧିକାରୀ ସଦାଶିବ ନାୟକ ଯୋଗ ଦେଇଥିଲେ। ସମ୍ମାନୀୟ ଅତିଥି ରୂପେ ବିଷମ କଟକ ତହସିଲଦାର କେ. ଭେଙ୍କେଟେଶ୍ୱର ରେଡି,ବ୍ଲକ୍ ଉପାଦକ୍ଷ ଦେବି ପ୍ରସାଦ ପଟ୍ଟନାୟକ ଯୋଗଦେଇ ଟର୍ଣ୍ଣ।ମେଣ୍ଟର ସୁଭାରମ୍ଭ କରିଥିଲେ । ଆୟୋଜିତ ଟର୍ଣ୍ଣ।ମେଣ୍ଟରେ ୧୨ଟି ଦଳ ଅଂଶ ଗ୍ରହଣ କରିଥିବା ବେଳେ ପ୍ରଥମ ମ୍ୟଚରେ ରାୟଗଡ଼ା ରେଳବାଇ ଓ ବିଶ୍ଵନାଥପୁର ଖେଳିଥିଲେ ।
ଏହି ମ୍ୟଚରେ ରାୟଗଡ଼ା ରେଳବାଇ ୧/୦ ଗୋଲରେ ବିଜୟଲାଭ କରିଥିଲା । ଏହି ଟର୍ଣ୍ଣ।ମେଣ୍ଟ ଆୟୋଜନ ବିଷମ କଟକ ସଦର ବଡ଼ସାହିର ଆମ୍ବେଦକର କ୍ଲବ୍ ଦ୍ଵାରା କରାଯାଇଛି । ୧୧ ଦିନ ଧରି ଚାଲୁରହିବା ଏହି ଟୁର୍ଣ୍ଣାମେଣ୍ଟ ରେ ରାୟଗଡ଼ା ରେଳବାଇ,ବିଶ୍ଵନାଥପୁର, କୋରାପୁଟ୍, ଜେକେପୁର୍, କଣ୍ଟାବାଞ୍ଜି, ଲକ୍ଷ୍ମୀପୁର, ଥେରୁବାଲି, ଭବାନୀପାଟଣା,ରାୟଗଡ଼ା,ଗୁଣପୁର, ପଡୋଶୀ ରାଜ୍ୟ ଆନ୍ଦ୍ରପ୍ରଦେଶର ବିଜୟନଗର ଦଳ ସହ ବିଷମ କଟକ ଆମ୍ବେଦକର ଦଳ ଅଂଶ ଗ୍ରହଣ କରିଛନ୍ତି।