ଅହମ୍ମଦାବାଦ: ଆଜିଠୁ ଆରମ୍ଭ ହେଉଛି ୨୦୨୩ ଆଇପିଏଲ ୧୬ ତମ ସଂସ୍କରଣ । ୧୦ଟି ଟିମ ଭିତରେ ଲାଗିବ ଟକ୍କର । ସନ୍ଧ୍ୟା ୭.୩୦ମିରେ ଅହମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯିବ ଏହି ମ୍ୟାଚ୍ । ଏହାପୂର୍ବରୁ ସନ୍ଧ୍ୟା ୬ଟାରୁ ଆରମ୍ଭ ହେବ ଓପନିଂ ସେରେମନି।ଏହା ଦେଶର ୧୨ଟି ଷ୍ଟାଡିୟମରେ ୫୨ ଦିନ ପର୍ୟ୍ୟନ୍ତ ୭୦ ଲିଗ ସହିତ ମୋଟ ୭୪ଟି ମ୍ୟାଚ ହେବ । ୧୮ଟି ଡବଲ ହେଡର ଅର୍ଥାତ ଗୋଟିଏ ଦିନରେ ଦୁଇଟି ଲେଖାଏ ମ୍ୟାଚ ଖେଳାଯିବ। ଦୁଇଟି ଗ୍ରୁପରେ ୫ଟି ଲେଖାଏ ୧୦ଟି ଟିମ୍ ରଖାଯାଇଛି । ତେବେ ଆଇପିଏଲର ପ୍ରଥମ ମ୍ୟାଚ୍ରେ ଅଧିନାୟକ ଧୋନି ଖେଳିବେ କି ନାହିଁ, ତାକୁ ନେଇ ସନ୍ଦେହ ପ୍ରକାଶ ପାଇଛି। ଗୋଇଠି ଜନିତ ସମସ୍ୟାରେ ଧୋନି ପଡ଼ିଥିବାରୁ ଗୁରୁବାର ଅଭ୍ୟାସ କରି ନାହାନ୍ତି । ଧୋନି ଆହତ ହୋଇଥିବାରୁ ପ୍ରଥମ ମ୍ୟାଚ୍ ଖେଳିପାରିବେ ନାହିଁ ବୋଲି ଚର୍ଚ୍ଚା ଆରମ୍ଭ ହୋଇଥିବାବେଳେ ଦଳର ସିଇଓ ଏହାକୁ ଖଣ୍ଡନ କରିବା ସହ କ୍ୟାପ୍ଟେନ କୁଲ ୧୦୦% ମ୍ୟାଚ୍ ଖେଳିବେ ବୋଲି କହିଛନ୍ତି।
