ନୂଆଦିଲ୍ଲୀ: ଜିମ୍ବାୱେ ବିପକ୍ଷ ଦିନିକିଆ ସିରିଜ ପୂର୍ବରୁ ଟିମ୍ ଇଣ୍ଡିଆରେ ବଡ ପରିବର୍ତ୍ତନ ଦେଖାଦେଇଛି । ଏହି ସିରିଜ ପାଇଁ ପୂର୍ବରୁ ଧୱନଙ୍କୁ ଅଧିନାୟକ ଘୋଷିତ କରାଯାଇଥିବା ବେଳେ ଏବେ ଏହି ସିରିଜର ନେତୃତ୍ୱ ଭାର କେ.ଏଲ ରାହୁଲଙ୍କୁ ଦେଇଛି ବିସିସିଆଇ । ଅଥାର୍ତ ଜିମ୍ବାୱେ ବିପକ୍ଷ ସିରିଜରେ ଅଧିନାୟକ ଦାୟିତ୍ୱ ତୁଲାଇବେ କେ.ଏଲ ରାହୁଲ । ଆଉ ଏହାସହ ଦୀର୍ଘ ଦିନ ପରେ ପୁଣିଥରେ କ୍ରିକେଟ ପଡିଆକୁ ଫେରିବେ ରାହୁଲ । ଆସନ୍ତା ଅଗଷ୍ଟ ୧୮ରୁ ଜିମ୍ବାୱେ ବିପକ୍ଷରେ ୩ ମ୍ୟାଚ୍ ବିଶିଷ୍ଟ ଦିନିକିଆ ସିରିଜ ଖେଳିବ ଟିମ୍ ଇଣ୍ଡିଆ । ରାହୁଲଙ୍କୁ ଅଧିନାୟକ ଦାୟିତ୍ୱ ଦିଆଯାଇଥିବା ବେଳେ ଶିଖର ଧୱନଙ୍କୁ ଉପ-ଅଧିନାୟକ ଦାୟିତ୍ୱ ମିଳିଛି ।
ସୂଚନାଯୋଗ୍ୟ ଯେ ଦକ୍ଷିଣ ଆଫ୍ରିକା ବିପକ୍ଷ ସିରିଜରେ ରାହୁଲଙ୍କୁ ଅଧିନାୟକ ଦାୟିତ୍ୱ ଦିଆଯାଇଥିଲା କିନ୍ତୁ ସିରିଜ ଆରମ୍ଭର ଗୋଟିଏ ଦିନ ପୂର୍ବରୁ ହିଁ ଆହତ କାରଣରୁ ସିରିଜରୁ ବାଦ ପଡିଥିଲେ ରାହୁଲ । ଯେଉଁଥିପାଇଁ ପନ୍ତଙ୍କୁ ଦକ୍ଷିଣ ଆଫ୍ରିକା ବିପକ୍ଷ ସିରିଜରେ ଅଧିନାୟକ ଦାୟିତ୍ୱ ଦିଆଯାଇଥିଲା ।ଫିଟନେସ୍ ଟେଷ୍ଟ ପାସ୍ କରିବା ରାହୁଲଙ୍କୁ ଜିମ୍ବାୱେ ବିପକ୍ଷ ସିରିଜରେ ସ୍ଥାନ ମିଳିଛି ।
