ଆହତ ହୋଇଥିବାରୁ ଏସିଆ କପରେ ପ୍ରଥମ ଦୁଇଟି ମ୍ୟାଚ୍ରୁ ବାଦ ପଡିଛନ୍ତି ବ୍ୟାଟସମ୍ୟାନ୍ କେଲ ରାହୁଲ । ଯାହାଫଳରେ ରାହୁଲ ଭାରତୀୟ ଦଳ ସହ ଶ୍ରୀଲଙ୍କା ଯାତ୍ରା କରିନଥିଲେ । ବେଙ୍ଗାଲୁରୁରେ ଥିବା ଜାତୀୟ କ୍ରିକେଟ୍ ଏକାଡେମୀରେ ରହି ଚିକିତ୍ସିତ ହେଉଥିଲେ। ତାଙ୍କର ସୋମବାର ଫିଟନେସ ପରୀକ୍ଷା ହେବ । ଫିଟ୍ ଘୋଷିତ ହେଲେ ଶ୍ରୀଲଙ୍କା ଯାତ୍ରା କରିବେ ଏବଂ ଦଳ ସହ ଯୋଗଦେବେ ।
ମିଳିଥିବା ସୂଚନା ମୁତାବକ, ରାହୁଲ ଫିଟ୍ ଅଛନ୍ତି ଏବଂ ବିସିସିଆଇ ଡାକ୍ତରୀ ଦଳ ସୋମବାର ତାଙ୍କୁ ଶ୍ରୀଲଙ୍କା ଗସ୍ତ ପାଇଁ ଅନୁମତି ପ୍ରଦାନ କରିବେ । ଆସନ୍ତା ୫ ତାରିଖରେ ଦିନିକିଆ ବିଶ୍ୱକପ୍ ପାଇଁ ଭାରତୀୟ ଦଳ ଘୋଷଣା ହେବାର କାର୍ଯ୍ୟକ୍ରମ ରହିଛି। ତେଣୁ ରାହୁଲଙ୍କ ଫିଟନେସ୍ ଉପରେ ସମସ୍ତଙ୍କ ନଜର ରହିଛି । ଯଦି ରାହୁଲ ଫିଟନେସ ଟେଷ୍ଟରେ ଫିଟ୍ ଘୋଷିତ ହୁଅନ୍ତି, ତା’ହେଲେ ବିଶ୍ୱକପ୍ ଦଳରେ ସ୍ଥାନ ପାଇବା ନିଶ୍ଚିତ ବୋଲି କହିଲେ ଭୁଲ୍ ହେବନି ।
