ବ୍ୟୁରୋ : ଫିଫା ବିଶ୍ବକପରେ ଟ୍ରଫି ନେଇଛି ଆର୍ଜେଣ୍ଟିନା । ଫାଇନାଲରେ ମୁକୁଟ ପିନ୍ଧିଛି ଭାଗ୍ୟଶାଳୀ ଆର୍ଜେଣ୍ଟିନା ଦଳ । ଏଥିସହ ଆର୍ଜେଣ୍ଟିନାର ମହାନ ଖେଳାଳିଙ୍କ ପାଇଁ ଏ ଥିଲା ସ୍ମରିଣୟ ଜିତ | ଏହି ଜିତର ସ୍ୱପ୍ନକୁ ସତର ବର୍ଷ ହେଲା ଅପେକ୍ଷାକରିଥିଲେ ସେହି ମହାନ ଖେଳାଳି ଲିଓନେଲ୍ ମେସି । ଆଉ ଏବେ ସାକାର ହୋଇଛି ତାଙ୍କ ସ୍ବପ୍ନ | ଫିଫା ବିଶ୍ୱକପର ଏ ମ୍ୟାଚ୍, ଖାଲି ମେସିଙ୍କୁ ଟ୍ରଫି ଦେଇନି, ବରଂ ୩୬ ବର୍ଷ ଧରି ବିଶ୍ୱକପ୍ ବିଜୟର ସ୍ୱପ୍ନ ଦେଖୁଥିବା ପ୍ରତିଟି ଆର୍ଜେଣ୍ଟିନାବାସୀଙ୍କ ସ୍ୱପ୍ନକୁ ମଧ୍ୟ ସାକାର କରିଛି । ଫାଇନାଲ ମ୍ୟାଚର ପେନାଲଟି ସୁଟଆଉଟରେ ୪-୨ ଗୋଲରେ ଫ୍ରାନ୍ସକୁ ହରେଇଛି ଆର୍ଜେଣ୍ଟିନାର ବୀର ଦଳ ।ଆଉ 36 ବର୍ଷ ପରେ ତୃତୀୟ ଥର ଲାଗି ଚାମ୍ପିଅନ ହୋଇଛି ଅର୍ଜେଣ୍ଟିନା ଟିମ୍ ।
୧୯୭୮ ଆଉ ୧୯୮୬ରେ ଫିଫା ବିଶ୍ୱକପ୍ ଜିତିଥିବା ଆର୍ଜେଣ୍ଟିନା, ଏହା ପରଠୁ ଆଉ କେବେ ଚାମ୍ପିୟନ୍ ହେଇପାରିନଥିଲା । କିନ୍ତୁ ଏହି ଜିତ ଆର୍ଜେଣ୍ଟିନାର ସବୁ ନିରାଶକୁ ନୂଆ ମୋଡ ଦେଇଛି | ଏହି ମ୍ୟାଚ ରେ କେବଳ ବିଜୟର ଖୁସି ମନ ଜାଇନି ବରଂ ପରାଜୟର ନିରାଶା ବି ଦେଇଛି | ମ୍ୟାଚର ଅନ୍ତରେ ଭାଙ୍ଗି ପଡିଛନ୍ତି ଫ୍ରାନ୍ସ | ଅନେକ ଲଢ଼ିବା ପରେ ହାରିଯାଇଛି ଫ୍ରାନ୍ସ |
ଏହାରି ଭିତରେ ସରିଯାଇଛି ଆର୍ଜେଣ୍ଟିନାର ସେହି ମହାନ ଖେଳାଳିଙ୍କ ଅବଧି | ଫିଫା ବିଶ୍ୱକପ୍ ଶେଷ ହୋଇଥିବା ବେଳେ ବିଦାୟ ନେଇଛନ୍ତି ଫୁଟବଲ ଦୁନିଆର କିମ୍ବଦନ୍ତୀ ଖେଳାଳି ଲିଓନେଲ୍ ମେସି ।
