ସୁସ୍ଥ ଅଛନ୍ତି ଲୁଙ୍ଗି ଏନଗିଡି । ଖୁବଶୀଘ୍ର ସେ ପଡିଆକୁ ଫେରିବେ ବୋଲି କହିଛନ୍ତି ଦିଲ୍ଲୀ କ୍ୟାପିଟାଲ୍ସର ଡାଇରେକ୍ଟର୍ ଅଫ୍ କ୍ରିକେଟ୍ ବେଣୁ ଗୋପାଳ ରାଓ । ଆଇପିଏଲ ୨୦୨୬ରେ ଶନିବାର ଦିଲ୍ଲୀ କ୍ୟାପିଟାଳ୍ସ ସହ ପଞ୍ଜାବ କିଙ୍ଗ୍ସର ବଡ଼ ମୁକାବିଲା ଥିଲା। ସବୁ ଫ୍ୟାନ୍ସଙ୍କ ନଜର ଏହି ବଡ଼ ମ୍ୟାଚ ଉପରେ ଅଟକିଥିଲା। ପଞ୍ଜାବ କିଙ୍ଗସ ବିପକ୍ଷ ମ୍ୟାଚ୍ ଚାଲିଥିବା ବେଳେ ଏକ କ୍ୟାଚ ଧରିବାକୁ ଯାଇ ତାଙ୍କ ମୁଣ୍ଡରେ ଆଘାତ ଲାଗିଥିଲା । ତେଣୁ ତୁରନ୍ତ ତାଙ୍କୁ ଚିକିତ୍ସା ପାଇଁ ଆମ୍ବୁଲାନ୍ସ ଯୋଗେ ହସ୍ପିଟାଲକୁ ଗ୍ରୀନ କରିଡର କରି ନିଆଯାଇଥିଲା । ଅରୁଣ ଜେଟଲୀ ଷ୍ଟାଡିୟମରେ ପଞ୍ଜାବ କିଙ୍ଗସର ବ୍ୟାଟିଂ ଚାଲିଥିବା ବେଳେ, ଅକ୍ଷର ପଟେଲଙ୍କ ବୋଲିଂରେ ପ୍ରିୟାଂଶ ଆର୍ଯ୍ୟଙ୍କ ଏକ କ୍ୟାଚ୍ ଧରିବାକୁ ଚେଷ୍ଟା କରୁଥିଲେ ଏନଗିଡି । କିନ୍ତୁ ପଛକୁ ଦୌଡ଼ୁଥିବା ବେଳେ ସେ ନିଜର ଭାରସାମ୍ୟ ହରାଇ ତଳେ ପଡ଼ିଯାଇଥିଲେ ଏବଂ ତାଙ୍କ ମୁଣ୍ଡ ପଛ ଭାଗ ଶକ୍ତ ଭାବେ ପଡ଼ିଆରେ ପିଟି ହୋଇଯାଇଥିଲା । ଦିଲ୍ଲୀର ଷ୍ଟାର ବୋଲର ଲୁଙ୍ଗି ଏନଡିଗି କ୍ୟାଚ୍ ନେବା ସମୟରେ ଗୁରୁତର ଆହତ ହେବା ପରେ ପ୍ରଶଂସକ ଏବଂ ଖେଳାଳିମାନେ ପୁରା ଡରିଯାଇଥିଲେ।
ତଥାପି, ଦିଲ୍ଲୀ ଟ୍ରାଫିକ୍ ପୋଲିସ ଏନଗିଡିଙ୍କ ତୁରନ୍ତ ଚିକିତ୍ସା ସୁନିଶ୍ଚିତ କରିବା ପାଇଁ ଏକ ସଫଳତା ହାସଲ କରିଥିଲା, ଯାହା ଏହା ଏବେ ଏକ ଐତିହାସିକ ଘଟଣା ପାଲଟିଛି। ନୂଆଦିଲ୍ଲୀର ଅରୁଣ ଜେଟଲି ଷ୍ଟାଡିୟମରେ ମେଡିକାଲ୍ ଜରୁରୀକାଳୀନ ରିପୋର୍ଟ ହେବା ମାତ୍ରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା। ମ୍ୟାଚ୍ ଆୟୋଜକଙ୍କ ସହିତ ଯୋଗାଯୋଗ କରିବା ପରେ, ଆହତ ଖେଳାଳିଙ୍କୁ ତୁରନ୍ତ ହସ୍ପିଟାଲକୁ ନିଆଯିବା ଆବଶ୍ୟକ ବୋଲି ସ୍ଥିର ହୋଇଥିଲା। ଏଥିପାଇଁ ରାଜେନ୍ଦ୍ର ନଗରର BLK-ମ୍ୟାକ୍ସ ସୁପର ସ୍ପେଶାଲିଟି ହସ୍ପିଟାଲକୁ ଚୟନ କରାଯାଇଥିଲା। ACP ଟ୍ରାଫିକ୍ (ସେଣ୍ଟ୍ରାଲ୍) ସଞ୍ଜୟ ସିଂହ ତୁରନ୍ତ ପୋଲିସ ନିୟନ୍ତ୍ରଣ କକ୍ଷ ସହିତ ଯୋଗାଯୋଗ କରି ଏକ ଗ୍ରୀନ୍ କରିଡର ନିର୍ଦ୍ଦେଶ ଦେଇଥିଲେ। ଦିଲ୍ଲୀ ଟ୍ରାଫିକ୍ ପୋଲିସ ଦଳ ଉତ୍କୃଷ୍ଟ ସମନ୍ୱୟ ପ୍ରଦର୍ଶନ କରିଥିଲେ, ପ୍ରବଳ ଟ୍ରାଫିକ୍ ମଧ୍ୟରେ ଆମ୍ବୁଲାନ୍ସ ପାଇଁ ରାସ୍ତା ସଫା କରିଥିଲେ। ଫଳସ୍ୱରୂପ, ଆମ୍ବୁଲାନ୍ସ ମାତ୍ର 11 ମିନିଟ୍ ମଧ୍ୟରେ ହସ୍ପିଟାଲରେ ପହଞ୍ଚିଥିଲା।
