ରାଜ୍ୟରେ କ୍ରୀଡ଼ାକୁ ବେସ ଅଧିକ ଗୁରୁତ୍ୱ ଦିଆଯାଉଛି । ଖାସ କରି ମହିଳା ଖେଳାଳି ମାନଙ୍କୁ ମଧ୍ୟ ସରକାର ଅନେକ ଗୁରୁତ୍ୱ ଦେଉଛନ୍ତି । କିନ୍ତୁ କ୍ରୀଡ଼ା ବିଭାଗର କିଛି ଅଧିକାରୀ ମାନଙ୍କ ପାଇଁ ଆଜି କ୍ରୀଡ଼ା ବ୍ୟବସ୍ଥା ମାଟିକାମୁଡିବାକୁ ବସିଲାଣି । ଗୋଟିଏ ପଟେ ରାଜ୍ୟରେ ମହିଳା କୋଚ ଆଭାବ ଓ ଅନ୍ୟପଟେ ବର୍ଷ ବର୍ଷ ଧରି ଭୁବନେଶ୍ୱର ହଷ୍ଟେଲରେ ଗାଦି ମାଡ଼ି ବସିଛନ୍ତି ଜଣେ ମହିଳା କୋଚ । ନିୟମ ରହିଛି ୩ ବର୍ଷରେ ଥରେ କୋଚ୍ ମାନଙ୍କୁ ବଦଳି କରାଯିବା କଥା । କିନ୍ତୁ ମ୍ୟାଡାମ ଜଣକ ଏଠି ୧୨ ରୁ ୧୩ ବର୍ଷ ହେଲା ଅଛନ୍ତି । କିନ୍ତୁ ଏହା କେମିତି ସମ୍ଭବ । କାହା ସିଫାରିଶ ନା କାହାର ଚାପ ଫଳରେ ସେ ଏଠାରେ ଦିର୍ଘ ବର୍ଷ ହେଲା ରହିଛନ୍ତି ? କୁହାଯାଉଛି କେହି ଜଣେ ପଣ୍ଡା ବାବୁ ତାଙ୍କୁ ସୁରକ୍ଷା ଦେଉଛନ୍ତି ଯାହାଙ୍କ ପାଇଁ ସେ ବିନା ଟେନ୍ସନ୍ ରେ ଏଠାରେ କାର୍ଯ୍ୟରତ । ସେପଟେ ସୁନ୍ଦରଗଡରେ ମହିଳା ସ୍ପୋର୍ଟସ ହଷ୍ଟେଲରେ ନାହାନ୍ତି ମହିଳା କୋଚ୍ । ସେଠାରେ ଜଣେ ପୁରୁଶ କୋଚ୍ଙ୍କୁ ନିଯୁକ୍ତି ମିଳିଛି । ଫଳରେ ଅସନ୍ତୋଷ ମଧ୍ୟ ପ୍ରକାଶ ପାଇଛି । କାରଣ ମହିଳା ଖେଳାଳିମାନଙ୍କର ଅନେକ ସମୟରେ ଅଭ୍ୟାସ ବେଳେ ନାନା ଶାରୀରିକ ସମସ୍ୟା ଉପୁଜି ଥାଏ ଯାହାକୁ ଜଣେ ମାହିଳା କୋଚ ହିଁ ବୁଝି ଥାନ୍ତି । କିନ୍ତୁ ଭୁବନେଶ୍ୱରରେ ଏହି ମହିଳା କୋଚ୍ ଜଣକ ଦୀର୍ଘ ଦିନ ହେବ ଥିଲେ ମଧ୍ୟ କାହିଁକି ତାଙ୍କୁ ସୁନ୍ଦରଗଡକୁ ନ ପଠାଯାଇ ଏଠାରେ ରଖାଯାଇଛି ବୋଲି ବୁଦ୍ଧିଜୀବି ମାନେ ପ୍ରଶ୍ନ କଲେଣି । କ୍ରୀଡା ବିଭାଗରେ ଏଭଳି ମନମାନୀ କାର୍ଯ୍ୟକୁ ମଧ୍ୟ ବେସ ନିନ୍ଦା କଲେଣି କ୍ରୀଡାବିତ୍ ମାନେ । ଯେଉଁ ଦୀଗ ଉପରେ ଆମେ ଗୁରୁତ୍ୱ ଦେଉଛୁ ତାହା ହେଲା କ୍ରୀଡା ବିଭାଗରେ ଅଦୃଶ୍ୟ ଚାପ । ସମସ୍ତେ ଚାହାନ୍ତି ଭୁବନେଶ୍ୱର ଭଳି ଏକ ସହରରେ ରହି ଚାକିରୀ କରିବା ପାଇଁ କିନ୍ତୁ ତା ଅର୍ଥ ନୁହେଁ ବର୍ଷ ବର୍ଷ ଧରି ଜଣକୁ ସେହି ଯାଗାରେ ରଖାଯିବ ଓ ଅନ୍ୟ ଜିଲ୍ଲାରେ ଖେଳାଳି ମାନେ ଉପଯୁକ୍ତ ତାଲିମ ପାଇବାରୁ ବଞ୍ଚିତ ହେଉଥିବେ । ଯେଉଁ ମାନେ ଡେପୁଟେସନରେ ଆସୁଛନ୍ତି ସେମାନକରୁଛନ୍ତି କଣ ? କେବଳ ଡେପୁଟେସନ ବାହାନାରେ ନିଜର ମନମାନୀ ଚଳାଉଛନ୍ତି ମହିଳା କୋଚ ମାନେ । ତେଣୁ ଦାବୀ ଉଠିଛି ଯେଉଁ କୋଚ ମାନଙ୍କୁ ନିଯୁକ୍ତି ଦିଆଯାଉଛି ସେମାନଙ୍କ ସହ ନିଯୁକ୍ତି ପୂର୍ବରୁ ଏକ ଚୁକ୍ତି ହେବା ଆବଶ୍ୟକ । ଯେଉଁ ଚୁକ୍ତିରେ ପୋଷ୍ଟିଂ ସହ କିଛି ନିର୍ଦ୍ଧିଷ୍ଟ ନିୟମାବଳୀକୁ ସ୍ଥାନିତ କରାଯିବ । ନିଯୁକ୍ତି ସମୟରେ ଏହି ଚୁକ୍ତିନାମା ଅନୁଶାରେ ନିୟମ ମାନି କାର୍ଯ୍ୟ କରିବାକୁ ହେବ । ଫଳରେ ଖେଳାଳି ମାନଙ୍କ ପାଇଁ ଏହା ଏକ ଭଲ ପଦକ୍ଷପ ହେବା ସହିତ ରାଜ୍ୟରେ ଖେଳ ଓ ଖେଳାଳିଙ୍କୁ ଉଚିତ ନ୍ୟାୟ ମିଳି ପାରିବ ବୋଲି ଆଶା କରାଯାଉଛି । କ୍ରୀଡା ବିଭାଗ ଓ ସରକାର ଏବେ ଏଥିପ୍ରତି ଧ୍ୟାନ ଦେବା ସହିତ ତୁରନ୍ତ ଏହି ସମସ୍ୟାର ସମାଧାନ କରି ଭୁବନେଶ୍ୱରରେ ଦୀର୍ଘ ବର୍ଷ ହେଲା ଗାଦି ମାଡି ବସିଥିବା ମହିଳା କୋଚଙ୍କୁ ସୁନ୍ଦରଗଡକୁ ବଦଳି କରିବାକୁ ବିଭିନ୍ନ ମହଲରୁ ଅନୁରୋଧ କରାଯାଇଛି । ଦେଖିବାକୁ ବାକି ରହିଲା କେବେ ଏ ଦିଗରେ ବିହିତ କାର୍ଯ୍ୟାନୁଷ୍ଠାନ ଗ୍ରହଣ କରୁଛି ବିଭାଗ ?
