(ଓଡିଶା ସ୍ପୋର୍ଟ):ମେଲବର୍ଣ୍ଣ କ୍ରିକେଟ ଗ୍ରାଉଣ୍ଡରେ ଭାରତୀୟ ବୋଲରମାନଙ୍କୁ ଅଷ୍ଟ୍ରେଲିଆର ବ୍ୟାଟ୍ସମ୍ୟାନ ମାନେ ସମ୍ମୁଖୀନ ହୋଇ ପାରୁ ନାହାନ୍ତି । ଭାରତ ବିପକ୍ଷରେ ପ୍ରଥମ ଇନିଂସରେ ବ୍ୟାଟିଂ ଜାରି ରଖିଥିବା ଅଷ୍ଟ୍ରେଲିଆ ୬୭ ଓଭରରେ ସମସ୍ତ ୱିକେଟ ହରାଇ ୧୫୧ ରନ କରିଛି । ଫଳରେ ଭାରତ ୨୯୨ ରନ୍ର ଅଗ୍ରଣୀ ଲାଭ କରିଛି।
ଟିମ ଇଣ୍ଡିଆର ଦ୍ରୁତ ବୋଲର ଯଶପ୍ରୀତ ବୁମରା ୬ଟି ୱିକେଟ ନେଇଥିବା ବେଳେ ସ୍ପିନର ରବୀନ୍ଦ୍ର ଜାଦେଜା ୨ ୱିକେଟ ନେଇଛନ୍ତି । ସେହିଭଳି ଈଶାନ୍ତ ର୍ଶମା ଓ ମହମ୍ମଦ ସାମି ୧-୧ ୱିକେଟ ନେଇଛନ୍ତି ।
ଭାରତ ଗତକାଲି ୭ ୱିକେଟ୍ ହରାଇ ୪୪୩ ରନ୍ କରିବା ପରେ ଇନିଂସ୍ ଘୋଷଣା କରିଥିଲା। ଏହା ପରେ ଅଷ୍ଟ୍ରେଲିଆ ବ୍ୟାଟିଂ କରିଥିଲା। ତେବେ ଗତକାଲି ଷ୍ଟମ୍ପ୍ ଅପସାରଣ ବେଳକୁ ଘରୋଇ ଦଳ କୌଣସି ୱିକେଟ୍ ନ ହରାଇ ମାତ୍ର ୮ ରନ୍ କରିଥିଲା। ଆଜି ଦଳ ପୁଣି ପାଳି ଆରମ୍ଭ କରିଥିଲା। ତେବେ ଦଳକୁ ୧୦.୩ ଓଭରରେ ପ୍ରଥମ ଝଟକା ଲାଗିଥିଲା। ଦଳୀୟ ସ୍କୋର ୨୪ରେ ପହଞ୍ଚିଥିବା ବେଳେ ଆରୋନ୍ ଫିଞ୍ଚ୍ ଆଉଟ୍ ହୋଇଥିଲେ।
