ନୂଆ ଯୁଗର ଷ୍ଟମ୍ପ କ୍ରିକେଟରେ ପ୍ରବେଶ; ଅଷ୍ଟ୍ରେଲିଆର ଟି -୨୦ ଲିଗ୍ ‘ବିଗ୍ ବାସ୍ ଲିଗ୍’ରେ ଦେଖିବାକୁ ମିଳିଛି ଏହି ନୂତନ ଷ୍ଟମ୍ପ

ମୁମ୍ବାଇ: ନୂଆ ଯୁଗର ଷ୍ଟମ୍ପ କ୍ରିକେଟରେ ପ୍ରବେଶ କରିଛି । ଏହି ନୂତନ ଷ୍ଟମ୍ପଗୁଡିକ ଅଷ୍ଟ୍ରେଲିଆର ଟି -୨୦ ଲିଗ୍ ‘ବିଗ୍ ବାସ୍ ଲିଗ୍’ରେ ଦେଖିବାକୁ ମିଳିଛି । ଏହାର ନାମ ଇଲେକ୍ଟ୍ରା ଷ୍ଟମ୍ପସ୍ ଦିଆଯାଇଛି । ଏହି ଷ୍ଟମ୍ପଗୁଡିକର ବିଶେଷତ୍ୱ ହେଉଛି ଯେ ସେମାନେ ଚାରି ଏବଂ ଛଅରୁ ନେଇ ସବୁ ବଲ୍ ପର୍ୟ୍ୟନ୍ତ ପ୍ରତ୍ୟେକ କ୍ଷେତ୍ରରେ ଭିନ୍ନ ରଙ୍ଗ ଦେଖାଇବେ । ଏହି ସମସ୍ତ ରଙ୍ଗ ମଧ୍ୟ ବହୁତ ଆକର୍ଷଣୀୟ ଦେଖାଯାଉଛି ।
ଆଜି (୨୨ ଡିସେମ୍ବର) ବିଗ୍ ବ୍ୟାସ୍ ଲିଗ୍ ମ୍ୟାଚ୍ ପୂର୍ବରୁ ମାର୍କ ୱଗ୍ ଏବଂ ମାଇକେଲ୍ ଭାଓନ୍ ଏହି ଷ୍ଟମ୍ପଗୁଡିକ ବିଷୟରେ ବିସ୍ତୃତ ଭାବରେ ବର୍ଣ୍ଣନା କରିଥିଲେ । ମାଇକେଲ ଭାନ୍ କହିଛନ୍ତି ଯେ ଏହି ଷ୍ଟମ୍ପଗୁଡିକ ମହିଳା ବିଗ୍ ବ୍ୟାସରେ ବ୍ୟବହୃତ ହୋଇଛି କିନ୍ତୁ ଏହା ପ୍ରଥମ ଥର ହେବ ପୁରୁଷ କ୍ରିକେଟ୍ ଟୁର୍ନାମେଣ୍ଟରେ ଏହା ବ୍ୟବହାର ହେବ । ଏହା ପରେ ମାର୍କ ୱଗ୍ ଏହି ଷ୍ଟମ୍ପଗୁଡିକର ବୈଶିଷ୍ଟ୍ୟ ଗୁଡିକ ବ୍ୟାଖ୍ୟା କରିଥିଲେ ।
ୱିକେଟ୍: ଯଦି କୌଣସି ଖେଳାଳି ଆଉଟ ହୁଅନ୍ତି, ସେ କେଉଁ ଉପାୟରେ ହୁଅନ୍ତୁ ନା କାହିଁକି, ଏହି ଷ୍ଟମ୍ପଗୁଡିକ ଲାଲ୍ ଆଲୋକ ସହିତ ନିଆଁ ପରି ରଙ୍ଗୀନ ହେବ ।
ଚାରି: ବ୍ୟାଟିଂ ବେଳେ ବଲ୍ ସୀମା ଛୁଇଁବା ମାତ୍ରେ ଏହି ଷ୍ଟମ୍ପଗୁଡିକରେ ବିଭିନ୍ନ ପ୍ରକାରର ଆଲୋକ ଦ୍ରୁତ ଗତିରେ ଦେଖାଯିବ
ଛଅ: ଯେତେବେଳେ ବଲ୍ ବ୍ୟାଟ୍ ଛାଡି ସିଧାସଳଖ ସୀମା ରେଖା ବାହାରେ ପହଞ୍ଚେ, ବିଭିନ୍ନ ଷ୍ଟମ୍ପରେ ବିଭିନ୍ନ ରଙ୍ଗ ସ୍କ୍ରୋଲ୍ ହୋଇଥିବାର ଦେଖାଯିବ ।
ନୋ ବଲ୍: ନୋ ବଲ୍ ପାଇଁ ଅମ୍ପାୟାରଙ୍କ ସଙ୍କେତରେ ନାଲି ଏବଂ ଧଳା ରଙ୍ଗର ଲାଇଟ୍ ଏହି ଷ୍ଟମ୍ପରେ ସ୍କ୍ରୋଲ୍ କରୁଥିବା ଦେଖାଯିବ ।
ଓଭର ମଧ୍ୟରେ: ଗୋଟିଏ ଓଭରର ଶେଷ ଏବଂ ପରବର୍ତ୍ତୀ ଓଭରର ଆରମ୍ଭ ମଧ୍ୟରେ ଷ୍ଟମ୍ପ ଉପରେ ବାଇଗଣୀ ଏବଂ ନୀଳ ଆଲୋକ ରହିବ ।