ପ୍ୟାରିସ୍: ବିଶ୍ବର ୧ ନମ୍ବର ନୋଭାକ ଜୋକୋଭିକ, ୨ ନମ୍ବର ଜାନିକ ସିନ୍ନର, ୪ ନମ୍ବର ଆଲେକ୍ଜାଣ୍ଡର ଭେରେଭ ଚଳିତ ଫ୍ରେଞ୍ଚ ଓପନ୍ ଟେନିସ ପ୍ରତିଯୋଗିତାର ତୃତୀୟ ରାଉଣ୍ଡରେ ପ୍ରବେଶ କରିଛନ୍ତି। ଗୁରୁବାର ପୁରୁଷ ଏକକ ମୁକାବିଲାରେ ୨୪ ଗ୍ରାଣ୍ଡ ସ୍ଲାମ୍ ବିଜେତା ସର୍ବିୟାର ଜୋକୋଭିକ ୬-୪, ୬-୧, ୬-୨ ସେଟ୍ରେ ସ୍ପେନ୍ର ରୋବର୍ତୋ କାର୍ବାଲେସ ବାଏନାଙ୍କୁ, ଅଷ୍ଟ୍ରେଲିଆନ୍ ଓପନ୍ ବିଜେତା ଇଟାଲିର ସିନ୍ନର ୬-୪, ୬-୨, ୬-୪ ସେଟ୍ରେ ଫ୍ରାନ୍ସର ରିଚାର୍ଡ ଗାସ୍କ୍ବେଟଙ୍କୁ, ଜର୍ମାନିର ଭେରେଭ ୭-୬, ୬-୨, ୬-୨ ସେଟ୍ରେ ବେଲ୍ଜିୟମ୍ର ଡେଭିଡ୍ ଗଫିନ୍ଙ୍କୁ ହରାଇଥିଲେ। ସେହିଭଳି ଦଶମ ମାନ୍ୟତାପ୍ରାପ୍ତ ବୁଲଗେରିଆର ଗ୍ରିଗୋରି ଦିମିତ୍ରୋଭ ୬-୦, ୬-୩, ୬-୪ ସେଟ୍ରେ ହଙ୍ଗେରିର ଫାବିଆନ୍ ମାରୋସାନଙ୍କୁ ପରାସ୍ତ କରି ଆଗକୁ ବଢ଼ିଛନ୍ତି। ମହିଳା ଏକକରେ ପଞ୍ଚଦଶ ମାନ୍ୟତାପ୍ରାପ୍ତ ଏଲିନା ସ୍ବିତୋଲିନା ୬-୪, ୭-୬ ସେଟ୍ରେ ଫ୍ରାନ୍ସର ଡିଆନା ପେରିଙ୍କୁ ମାତ୍ ଦେଇ ତୃତୀୟ ରାଉଣ୍ଡରେ ପହଞ୍ଚିଛନ୍ତି।
ତୃତୀୟ ରାଉଣ୍ଡରେ ଜୋକୋଭିକ
