ଢାକା: ବାଂଲାଦେଶରେ ଚାଲିଥିବା ଏସିଆନ ଚମ୍ପିଆନ୍ସ ଟ୍ରଫି ହକିରେ ଆଜି ମୁହାଁମୁହିଁ ହୋଇଥିଲେ ଭାରତ-ପାକିସ୍ତାନ । ଏହି ପ୍ରତିଦ୍ୱନ୍ଦିତାରେ ବାଜି ମାରିଛି ଭାରତ । ପାକିସ୍ତାନକୁ ୩-୧ରେ ହରାଇ ସେମିଫାଇନାଲରେ ପହଞ୍ଚିଛି ଟିମ ଇଣ୍ଡିଆ । ମ୍ୟାଚ ଆରମ୍ଭରୁ ହିଁ ଭାରତ ଆକ୍ରମଣାତ୍ମକ ଖେଳ ପ୍ରଦର୍ଶନ ଜାରି ରଖିଥିଲା । ପ୍ରଥମ କ୍ୱାର୍ଟରର ସପ୍ତମ ମିନିଟରେ ପେନାଲଟି କର୍ଣ୍ଣରକୁ ଗୋଲରେ ପରିଣତ କରିଥିଲା ଭାରତ । ଫଳରେ କ୍ୱାର୍ଟର ଶେଷରେ ୧-୦ରେ ଅଗ୍ରଣୀ ହାସଲ କରିଥିଲା । ଏହି ଗୋଲ ଟିମ ଇଣ୍ଡିଆର ହରମନପ୍ରୀତ ସିଂ ହାସଲ କରିଥିଲେ । ଦ୍ୱିତୀୟ କ୍ୱାର୍ଟର ଖାଲି ଯିବା ପରେ ତୃତୀୟ କ୍ୱାର୍ଟରରେ ଦଳ ତରଫରୁ ଦ୍ୱିତୀୟ ଗୋଲ ହାସଲ କରିଥିଲେ ଆକାଶ ଦୀପ ସିଂ ।
A phenomenal all-round performance earns India the BIG 𝐖 over Pakistan 💙#IndiaKaGame #HeroACT2021 pic.twitter.com/uxwWQ7Pm9A
— Hockey India (@TheHockeyIndia) December 17, 2021
ଏହାପରେ ପାକିସ୍ତାନ ଗୋଟିଏ ଗୋଲ ସହ କମବ୍ୟାକ କରିବାକୁ ଚେଷ୍ଟା କରିଥିଲା । କିନ୍ତୁ ଶେଷରେ ୨-୧ରେ ଶେଷ ହୋଇଥିଲା କ୍ୱାର୍ଟର । ମ୍ୟାଚରୁ ୫୪ତମ ମିନିଟରେ ହରମନପ୍ରୀତଙ୍କ ଷ୍ଟିକରୁ ଆଉ ଏକ ଗୋଲ ପାଇଥିଲା ଟିମ ଇଣ୍ଡିଆ । ଏହି ଗୋଲ ସହ ଭାରତ ଏହି ମ୍ୟାଚକୁ ୩-୧ରେ ବିଜୟ ଲାଭ କରିଛି । ଏହି ବିଜୟ ସହ ଚଳିତ ଏସିଆନ ଚମ୍ପିଆନ୍ସ ଟ୍ରଫି ହକିରେ ଭାରତ ସେମିଫାଇନାଲରେ ପ୍ରବେଶ କରିଛି ।
