ପ୍ୟାରିସ ଅଲିମ୍ପିକ୍ସରେ ଭାରତୀୟ ଧ୍ୱଜବାହକ ରହିବେ ପିଭି ସିନ୍ଧୁ

ନୂଆଦିଲ୍ଲୀ: ଚଳିତ ମାସରେ ଆରମ୍ଭ ହେବାକୁ ଯାଉଛି ପ୍ୟାରିସ ଅଲିମ୍ପିକ୍ସ ୨୦୨୪ । ଇଣ୍ଡିଆନ ଅଲିମ୍ପିକ୍ସ ଆସୋସୀଏସନ ( ଆଇଓଏ) ର ଅଧ୍ୟକ୍ଷ ପିଟି ଉଷା ଅଲିମ୍ପିକ୍ସର ଉଦଘାଟନୀ ଉତ୍ସବରେ ଭାରତୀୟ ଧ୍ୱଜାବାହକ ଘୋଷଣା କରିଛନ୍ତି ।
ଉଦଘାଟନୀ ଉତ୍ସବରେ ତାରକା ବ୍ୟାଡମିଣ୍ଟନ ଖେଳାଳି ପିଭି ସିନ୍ଧୁ ଭାରତୀୟ ଧ୍ୱଜାବାହକ ରହିବେ ବୋଲି ଆଇଓଏ ଘୋଷଣା କରିଛି । ସେହିପରି ପୁରୁଷ ଧ୍ୱଜାବାହକ ଦାୟିତ୍ୱ ନିର୍ବାହ କରିବେ ଟେବୁଲ ଟେନିସ ଖେଳାଳି ଏ ଶରତ କମଲ । ଏହା ବ୍ୟତୀତ ଲଣ୍ଡନ ଅଲିମ୍ପିକ୍ସର କାଂସ୍ୟ ପଦକ ବିଜେତା ସୁଟର ଗଗନ ନାରଙ୍ଗଙ୍କୁ ମଧ୍ୟ ବଡ ଦାୟିତ୍ୱ ମିଳିଛି । ପୁରୁଷ ୧୦ ମିଟର ଏୟାର ରାଇଫଲର କାଂସ୍ୟ ପଦକ ବିଜେତା ଗଗନଙ୍କୁ ଭାରତୀୟ ଦଳର ସେଫ ଡି ମିଶିନ କରାଯାଇଛି । ସେ ବିଶ୍ୱ ବିଜେତା ବକ୍ସର ଏମସି ମ୍ୟାରି କମଙ୍କ ସ୍ଥାନ ନେବେ ବୋଲି କୁହାଯାଉଛି ।
ସୂଚନା ଅନୁଯାୟୀ , ଜୁଲାଇ ୨୪ ତାରିଖରୁ ୨୦୨୪ ପ୍ୟାରିସ ଅଲିମ୍ପିକ ଆରମ୍ଭ ହେବାକୁ ଯାଉଛି । ଏଥର ପାଖାପାଖି ୧୨୦ ଜଣିଆ ଦଳ ଭାରତର ପ୍ରତିନିଧିତ୍ୱ କରିବେ । ଏଥିରେ ୨୮ ଜଣିଆ ଆଥଲେଟ ଦଳ ସାମିଲ । ଏହି ଦଳର ନେତୃତ୍ୱ ନେବେ ସ୍ୱର୍ଣ୍ଣ ପଦକ ବିଜେତା ନୀରଜ ଚୋପ୍ରା ।