(ଓଡିଶା ସ୍ପୋର୍ଟ): ଭାରତର ତାରକା ମହିଳା ବ୍ୟାଡମିଣ୍ଟନ ଖେଳାଳୀ ସାଇନା ନେହେୱାଲ ଗୁରୁବାର ଦିନ ସେୟଦ ମୋଦି ଇଣ୍ଟରନ୍ୟାସନାଲ୍ ଟୁର୍ଣ୍ଣମେଣ୍ଟର କ୍ୱାଟର ଫାଇନାଲରେ ନିଜ ପାଇଁ ଜାଗା ବନାଇ ନେଇଛନ୍ତି । ସାଇନା ମହିଳା ଏକକର ପ୍ରି କ୍ୱାଟର ଫାଇନାଲ ମୁକାବିଲାରେ ଅମୋଲିକା ସିଂଙ୍କୁ ୨୧-୧୪, ୨୧-୯ରେ ପରାସ୍ତ କରିଥିଲେ । ସେପଟେ ପୁରୁଷ ଏକକ ପ୍ରି -କ୍ୱାଟର୍ ଫାଇନାଲରେ ବି. ସାଈ ପ୍ରଣିତ ଇଣ୍ଡୋନେସିଆର ବ୍ୟାଡମିଣ୍ଟନ ଖେଳାଳୀ ଶେସର ହିରେନଙ୍କୁ ୨୧-୧୨, ୨୧-୧୦ରେ ହରାଇ କ୍ୱାଟର୍ ଫାଇନାଲରେ ପ୍ରବେଶ କରିଛନ୍ତି । ଏହା ପୂର୍ବରୁ ସାଇନା ବୁଧବାରଠାରୁ ଆରମ୍ଭ ହେୀଇଥବା ସେୟଦ ମୋଦି ବିଶ୍ୱ ଟୁର୍ ସୂପର ୩୦୦ ର ମୁକାବିଳାରେ ସହଜରେ ସଫଳତା ହାସଲ କରିଥିଲେ । ତିନି ତିନିଥର ଚମ୍ପିଆନ ହୋଇଥିବା ସାଇନା ନେହେୱାଲ ମହିଳା ଏକକ ବର୍ଗର ପ୍ରଥମ ମ୍ୟାଚ୍ ରେ ମରିଶସର କେଟ୍ ଫୁ କୂନ୍ ଙ୍କୁ ୨୧-୧୦, ୨୧-୧୦ସେଟରେ ସିଧାସଳଖ ପରାସ୍ତ କରିଥିଲେ ।
ଏହା ସହିତ ପୁରୁଷ ଏକକ ବର୍ଗରେ ପ୍ରି-କ୍ୱାଟର ଫାଇନାଲରେ ପାରୁପଲ୍ଲୀ କଶ୍ୟପ୍ ଇଣ୍ଡୋନେସିଆର ଅବ୍ଦୁଲ୍ ଖୋଲିକଙ୍କୁ ୯-୨୧, ୨୨-୨୦, ୨୧-୮ ରେ ପରାସ୍ତ କରି କ୍ୱାଟର ଫାଇନାଲରେ ପ୍ରବେଶ କରିଛନ୍ତି, ସେପଟେ ସମିର ବର୍ମା ଚିନ୍ ର ଝାଓ ଜନପେଙ୍ଗଙ୍କୁ୨୨-୨୦, ୨୧-୧୭ରେ ପରାସ୍ତ କରି କ୍ୱାଟର ଫାଇନାଲରେ ପହଁଞ୍ଚିଛନ୍ତି ।
