(ଓଡିଶା ସ୍ପୋର୍ଟ) : ଭୁବନେଶ୍ୱର କିଟ୍ ଷ୍ଟାଡ଼ିୟମରେ ଅନୁଷ୍ଠିତ ହୋଇଯାଇଥିବା ଦ୍ୱିତୀୟ ରାଉଣ୍ଡ ରଣଜୀ ଟ୍ରଫି ମ୍ୟାଚରେ ଘରୋଇ ଦଳ ଓଡ଼ିଶା ଶୋଚନୀୟ ଭାବେ ପରାସ୍ତ ହୋଇଛି । ଉତ୍ତରପ୍ରଦେଶ ୧୦ ୱିକେଟରେ ପରାସ୍ତ କରି ବିଜୟ ହାସଲ କରିଛି ।
ଗତକାଲି ୩ୟ ଦିବସ ଖେଳ ସୁଦ୍ଧା ଓଡ଼ିଶା ଦଳ ୭ ୱିକେଟ ହରାଇ ୧୮୦ ରନ କରିଥିଲା । ପ୍ରଥମ ଇନିଂସରେ ୧୮୧ ରନ୍ ପଛରେ ଥିବା ଘରୋଇ ଦଳ ବାକି ୩ ଟି ୱିକେଟ ହରାଇ ମାତ୍ର ୪୧ ରନ ଯୋଡ଼ି ପାରିଥିଲା । ଓଡ଼ିଶା ୧୨୧ ରନରେ ଅଲଆଉଟ ହେବା ପରେ ଉତ୍ତରପ୍ରଦେଣ ଆଗରେ ୪୧ ରନର ବିଜୟଲକ୍ଷ୍ୟ ରହିଥିଲା ।
ଦୁଇଟି ମ୍ୟାଚ ଖେଳି ଓଡ଼ିଶା ଗୋଟିଏ ପଏଣ୍ଟହାସଲ କରିଛି । ଉତ୍ତରପ୍ରଦେଶ ତାର ଦୁଇଟି ଯାକ ମ୍ୟାଚ ଜିତି ୧୪ ପଏଣ୍ଟସହ ଗ୍ରୁପ’ସି’ର ଶୀର୍ଷରେ ରହିଛି ।
ସ୍କୋର : ଓଡ଼ିଶା ପ୍ରଥମ ଇନିଂସ୍–୨୫୬ । ଦ୍ବିତୀୟ ଇନିଂସ୍–୨୨୧, ୭୨.୩ ଓଭର (ସନ୍ଦୀପ ପଟ୍ଟନାୟକ୪୬, ଗୋବିନ୍ଦ ପୋଦ୍ଦାର ୨୭, ଶୁଭ୍ରାଂଶୁ ସେନାପତି ୪୨, ଶାନ୍ତନୁ ମିଶ୍ର ୩୭ । ଅଙ୍କିତ ରାଜପୁତ ୨୩.୩–୮–୬୪–୪, ଶିବମ ମାଭି ୧୮–୩–୬୮–୫) ।
ଉତ୍ତର ପ୍ରଦେଶ ପ୍ରଥମ ଇନିଂସ୍–୪୩୭ । ଦ୍ବିତୀୟ ଇନିଂସ୍–୪୪/୦, ୧୨.୫ ଓଭର (ମାଧବ କୌଶିକଅପରାଜିତ ୨୨, ମହମ୍ମଦ ସୈଫ ଅପରାଜିତ ୧୬) ।
