ଭୁବନେଶ୍ୱର: ଭାରତୀୟ କ୍ରିକେଟ ଟିମର ପୂର୍ବତମ ଅଧିନାୟକ ତଥା ପ୍ରିନ୍ସ ଅଫ କୋଲକାତା ସୌରଭ ଗାଙ୍ଗୁଲି । ଯେତେବେଳେ ବିଦେଶ ମାଟିରେ ପରାଜୟ ପରି ସମସ୍ୟା ଦେଇ ଗତି କରୁଥିଲେ ସେ ଟିମ ଇଣ୍ଡିଆକୁ ନୂଆ ରାସ୍ତା ଦେଖାଇଥିଲେ । ସୌରଭ ଗାଙ୍ଗୁଲ ୧୯୯୨ରେ ଓ୍ୱେଷ୍ଟଇଣ୍ଡିଜ୍ ବିପକ୍ଷରେ ଦିନିକିଆରେ କରିଥିଲେ ଡେବ୍ୟୁ । ୮ ବର୍ଷ ପରେ ଅର୍ଥାତ୍ ୨୦୦୦ ମସିହାରେ ଗାଙ୍ଗୁଲିଙ୍କୁ ମିଳିଥିଲା ବଡ଼ ଦାୟିତ୍ୱ । ସେ ଟିମ୍ ଇଣ୍ଡିଆର ନୂଆ କ୍ୟାପଟେନ୍ ଭାବେ ସମ୍ଭାଳିଥିଲେ ଦାୟିତ୍ୱ ।
ଦାଦା ତାଙ୍କର ଲଗଜୁରୀ ଲାଇପ ଷ୍ଟାଲ ପାଇଁ ବେଷ ଜଣାଶୁଣା । କୋଲକତାରେ ଗାଙ୍ଗୁଲିଙ୍କର ରହିଛି ପୈତୃକ ବାସଭବନ । ଯାହାର ଦାମ୍ ପାଖାପାଖି ୧୦ କୋଟିରୁ ଅଧିକ । ସବୁଠାରୁ ବଡ କଥା ହେଉଛି ଏହି ବଙ୍ଗଳାରେ ରହିଛି ୪୮ଟି ରୁମ୍ । ବିସିସିଆଇର ପୂର୍ବ ଅଧ୍ୟକ୍ଷ ସୌରଭ ଗାଙ୍ଗୁଲି ବିଜ୍ଞାପନ ଜରିଆରେ ଖୁବ୍ କରିଥାନ୍ତି ରୋଜଗାର । ସେ ଅନେକ ବଡ ବଡ କମ୍ପାନୀର ବ୍ରାଣ୍ଡ ଏଣ୍ଡୋର୍ସମେଣ୍ଟ ରହିଛନ୍ତି ।
ଏକ ରିପୋର୍ଟ ଅନୁଯାୟୀ ସୌରଭ ଗାଙ୍ଗୁଲି କୌଣସି ବ୍ରାଣ୍ଡର ବିଜ୍ଞାପନ ପାଇଁ ବର୍ଷକୁ ଚାର୍ଜ କରିଥାନ୍ତି ୧ କୋଟି ୩୫ ଲକ୍ଷ ଟଙ୍କା । ସୌରଭ ଗାଙ୍ଗୁଲି ଟିଭିରେ ମଧ୍ୟ ନିଜର ଭାଗ୍ୟ ପରୀକ୍ଷା କରିସାରିଛନ୍ତି । ସେ ବଙ୍ଗାଳୀ ଟିଭି ଶୋ ଦାଦାଗିରି ହୋଷ୍ଟ କରିଛନ୍ତି । ଟିଭି ଶୋ ଦାଦାଗିରିରେ ହୋଷ୍ଟ କରିବା ପାଇଁ ସୌରଭ ଗାଙ୍ଗୁଲି ପ୍ରତି ସପ୍ତାହରେ ଫି ବାବଦରେ ନେଉଥିଲେ ୧ କୋଟି ଟଙ୍କା ।
ସୌରଭ ଗାଙ୍ଗୁଲିଙ୍କର ରହିଛି କାରର ଖୁବ୍ ସଉକ୍ । ତାଙ୍କ ପାଖରେ ବିଏମ୍ଡବ୍ଲୁ ସିରିଜ କାର ବ୍ୟତୀତ ଅନେକ ଲଗଜୁରୀ କାର ରହିଛି । ଗାଙ୍ଗୁଲିଙ୍କ ମୋଟ ସମ୍ପତ୍ତି ପାଖାପାଖି ୩୬୫ କୋଟି । ଦାମୀ ଖେଳାଳୀଙ୍କ ମଧ୍ୟରେ ତାଙ୍କର ଗଣତି କରାଯାଇଥାଏ । ପ୍ରସିଦ୍ଧ ଆଇଏସଏଲ କ୍ଲବ ଏଟିକ ମୋହନ ବଗାନରେ ଦାଦା ଭାଗିଦାରୀ ମଧ୍ୟ ଅଛନ୍ତି । ଏମିତିକି ଏହାର ସହ-ମାଲିକ ମଧ୍ୟ ଅଟନ୍ତି ଗାଙ୍ଗୁଲି ।
