ଦିନିକିଆ ଏବଂ ଟି-୨୦ ସିରିଜରୁ ବାଦ ପଡିଛନ୍ତି ବ୍ୟାଟର ଷ୍ଟାର ଋଷଭ ପନ୍ତ

ଭୁବନେଶ୍ୱର: ଦିନିକିଆ ଏବଂ ଟି-୨୦ ସିରିଜରୁ ବାଦ ପଡିଛନ୍ତି ବ୍ୟାଟର ଷ୍ଟାର ରିଷଭ ପନ୍ତ । ଏହି ବାଦ ପଡିବାକୁ ନେଇ ତାଙ୍କ ଭବିଷ୍ୟତ ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । ସୂଚନା ମୁତାବକ, ବାଂଲାଦେଶ ପରେ ଭାରତୀୟ ଦଳ ବର୍ତ୍ତମାନ ଶ୍ରୀଲଙ୍କା ବିରୋଧରେ ଦିନିକିଆ ଏବଂ ଟି-୨୦ ସିରିଜ ଖେଳିବାକୁ ଯାଉଛି । ତେବେ ବିସିସିଆଇ ଏନେଇ ଭାରତୀୟ ଦଳ ଘୋଷଣା କରିସାରିଛି । ଅନ୍ୟପକ୍ଷରେ  କିଛି ମାସ ପରେ ଦିନିକିଆ ବିଶ୍ୱକପ ଖେଳାଯିବ । ଫଳରେ ପନ୍ତଙ୍କୁ ନେଇ ଅନେକ କଥା ଉଠିଲାଣି । କୁହାଯାଉଛି କି ଟେଷ୍ଟ ଫର୍ମାଟରେ ରିଷଭ ପନ୍ତ ଆଉ ରହିଯିବେନି ତ? ବିଶ୍ୱକପ ଦଳରେ ତାଙ୍କୁ ସ୍ଥାନ ମିଳିବ ତ । ଏଭଳି ଆଲୋଚନା ହେଉଥିବା ବେଳେ ଏହା ମଧ୍ୟ କୁହାଯାଇ ପାରିବ ଯେ ଆଗକୁ କିଛି ବି ପରିବର୍ତ୍ତନ ହୋଇପାରେ । ଶ୍ରୀଲଙ୍କା ପରେ ଭାରତୀୟ ଦଳ ନ୍ୟୁଜିଲାଣ୍ଡ ବିରୋଧରେ ଦିନିକିଆ ଏବଂ ଟି-୨୦ ସିରିଜ ଖେଳିବ । ତେଣୁ ଆଶା କରୁଯାଉଛି ଏହି ସିରିଜରେ ପନ୍ତ ଦଳକୁ ଫେରିପାରନ୍ତି ।