ନୂଆଦିଲ୍ଲୀ: ଶନିବାର ଦୃଷ୍ଟିହୀନଙ୍କ ପାଇଁ ଟି-୨୦ ବିଶ୍ୱକପର ଅନ୍ତିମ ମୁକାବିଲାରେ ଭାରତ ବାଂଲାଦେଶକୁ ପରାସ୍ତ କରିଛି । ଏହି ମ୍ୟାଚରେ ଭାରତ ପ୍ରତିଦ୍ୱନ୍ଦୀଙ୍କୁ ୧୨୦ ରନ ବ୍ୟବଧାନରେ ପରାସ୍ତ କରିଛି । ତେବେ ଦୃଷ୍ଟିହୀନ ଟି-୨୦ ବିଶ୍ୱକପର ଫାଇନାଲ ମ୍ୟାଚ୍ ବେଙ୍ଗାଳୁରୁରେ ଖେଳାଯାଇଥିଲା । ଏମ୍ ଚିନ୍ନାସ୍ୱାମୀ ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚରେ ଟିମ୍ ଇଣ୍ଡିଆ ଦମଦାର ପ୍ରଦର୍ଶନ ପରେ ଫ୍ୟାନ୍ସଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି । ଦୃଷ୍ଟିହୀନ ଟି-୨୦ ବିଶ୍ୱକପ ଫାଇନାଲ ମ୍ୟାଚରେ ପ୍ରଥମେ ବ୍ୟାଟିଂ କରିଥିଲା ଟିମ୍ ଇଣ୍ଡିଆ ।
#TeamIndia beat Bangladesh by 120 runs to clinch the 3rd #T20WorldCup 🏆.
📸: @ddsportschannel #BlindCricket🏏 | #INDvBAN pic.twitter.com/AKwH3fIkN7
— All India Radio News (@airnewsalerts) December 17, 2022
ପ୍ରଥମ ଇଂନିସରେ ବ୍ୟାଟିଂ କରି ଦଳ ୨୦ ଓଭରରେ ୨୭୭ ରନର ବିଶାଳ ସ୍କୋର କରିଥିଲା । ଟିମ୍ ଇଣ୍ଡିଆ ନିଜ ଇଂନିସରେ କେବଳ ୨ଟି ୱିକେଟ୍ ହରାଇଥିବାବେଳେ, ବାଂଲାଦେଶ ୨୦ ଓଭରରେ ମାତ୍ର ୧୫୭ ରନ୍ ସ୍କୋର କରିପାରିଥିଲା । ଆଉ ଶେଷକୁ ବାଂଲାଦେଶକୁ ହରାଇ ଦୃଷ୍ଟିହୀନ ଟି-୨୦ ବିଶ୍ୱକପ ଉପରେ କବଜା କରିଥିଲା ଟିମ୍ ଇଣ୍ଡିଆ । ତେବେ ତୃତୀୟ ଥର ପାଇଁ ଭାରତ ଦୃଷ୍ଟିହୀନ ଟି-୨୦ ବିଶ୍ୱକପ୍ ଜିତିଛି । କାରଣ ଏହାପୂର୍ବରୁ ଅର୍ଥାତ ୨୦୧୨ ଏବଂ ୨୦୧୭ରେ ଦୃଷ୍ଟିହୀନ ଟି-୨୦ ବିଶ୍ୱକପ୍ ଟ୍ରଫି ହାସଲ କରିଥିଲା ଭାରତ ।
