Cricket

ବଦଳିବ ଟେଷ୍ଟମ୍ୟାଚର ରୂପରେଖ

ରିପୋର୍ଟର୍ସ ଟୁଡେ ବ୍ୟୁରୋ; ବଦଳିବ ଟେଷ୍ଟମ୍ୟାଚର ରୂପରେଖ । ଅନ୍ତର୍ଜାତୀୟ କ୍ରିକେଟ ପରିଷଦ ଆଇସିସି ୨୦୨୭-୨୯ ବିଶ୍ୱ ଟେଷ୍ଟ ଚାମ୍ପଅନସିପ୍ ବା ଡବ୍ଳ୍ୟୁଟିସି ଚକ୍ରରେ ଖେଳୁଥିବା ଛୋଟ ଦେଶଗୁଡିକ ପାଇଁ ୪ଦିନିଆ ଟେଷ୍ଟ ମ୍ୟାଚ୍ ଅନୁମୋଦନ କରିବାକୁ ପ୍ରସ୍ତୁତ ହେଉଛି । ଏହି ପରିବର୍ତ୍ତନ ଦ୍ୱାରା ଛୋଟ କ୍ରିକେଟ ରାଷ୍ଟ୍ର ଗୁଡିକ ଅଧିକ ଟେଷ୍ଟ ଓ ଦୀର୍ଘ ସିରିଜ ଖେଳିପାରିବେ । ତେବେ ଭାରତ .ଅଷ୍ଟ୍ରେଲିଆ ଓ ଇଂଲଣ୍ଡ ପରମ୍ପରାଗତ ୫ଦିନିଆ ଟେଷ୍ଟ ମ୍ୟାଚ୍ ଖେଳିବେ । ସେହିପରି ୪ଦିନିଆ ଟେଷ୍ଟରେ ପ୍ରତିଦିନ ଅତିକମରେ ୯୮ ଓଭର ଖେଳାଯିବ । ଯାହା ସମୟ ହ୍ରାସକୁ ପୂରଣ କରିବ । ଏହା ଛୋଟ ଦେଶଗୁଡ଼ିକ ପାଇଁ ଖର୍ଚ୍ଚ ଓ ସମୟ ସମସ୍ୟା ହ୍ରାସ କରିବ ।ଆଇସିସିର ଏହି ନିଷ୍ପତ୍ତି ଟେଷ୍ଟ କ୍ରିକେଟକୁ ଅଧିକ ଆକର୍ଷଣୀୟ ଓ ସମାନ୍ତରାଳ କରିବ ବୋଲି ଆଶା କରାଯାଉଛି । ଆଇସିସି ପ୍ରଥମେ ୨୦୧୭ ମସିହାରେ ଦ୍ୱିପାକ୍ଷିକ ମ୍ୟାଚ୍ ପାଇଁ ୪-ଦିନିଆ ଟେଷ୍ଟକୁ ଅନୁମୋଦନ କରିଥିଲା । ୨୦୧୯ ଏବଂ ୨୦୨୩ ରେ ଆୟରଲ୍ୟାଣ୍ଡ ବିପକ୍ଷରେ ଚାରି ଦିନିଆ ଟେଷ୍ଟ ଖେଳିବା ପରେ ଇଂଲଣ୍ଡ ଗତ ମାସରେ ଟ୍ରେଣ୍ଟ ବ୍ରିଜରେ ଜିମ୍ବାୱେ ବିପକ୍ଷରେ ଏକ ଚାରି ଦିନିଆ ଟେଷ୍ଟ ମଧ୍ୟ ଖେଳିଥିଲା । ଯେପରିକି ଆଶେଷ, ବର୍ଡର-ଗାଭାସ୍କର ଟ୍ରଫି ଓ ଆଣ୍ଡରସନ-ତେନ୍ଦୁଲକର ଟ୍ରଫି । ଗତ ସପ୍ତାହରେ ଲର୍ଡ୍ସରେ ଡବ୍ଲ୍ୟୁଟିସି ଫାଇନାଲ ସମୟରେ ଆଇସିସି ଅଧ୍ୟକ୍ଷ ଜୟ ଶାହ ୪ ଦିନିଆ ଟେଷ୍ଟ ପାଇଁ ସମର୍ଥନ ବ୍ୟକ୍ତ କରିଥିଲେ ।

Related posts

ଟି-୨୦ ସିରିଜ ପାଇଁ ଧର୍ମଶାଳାରେ ଦକ୍ଷିଣ ଆଫ୍ରିକା ଦଳ

Odisha Sports Bureau

ଆଇପିଏଲ ଖେଳାଳୀଙ୍କୁ ମିଳିବ ଫୁଲ ଦରମା

Odisha Sports Bureau

୧୨୮ ବର୍ଷପରେ ଅଲମ୍ପିକ୍ସରେ ସାମିଲ ହେବାକୁ ଯାଉଛି କ୍ରିକେଟ ସହ ଆହୁରି ୪ଟି ଗେମ

Odisha Sports Bureau