ଆସନ୍ତା କାଲିର ଫାଇନାଲ ମ୍ୟାଚ ପାଇଁ ବାର୍ବାଡୋସରେ ପହଞ୍ଚିଛନ୍ତି ଭାରତୀୟ ଖେଳାଳି

ନୂଆଦିଲ୍ଲୀ; ଟି -୨୦ ବିଶ୍ୱକପ ୨୦୨୪ ର ଫାଇନାଲ ମୁକାବିଲା ପାଇଁ ଭାରତୀୟ ଦଳ ଏବେ ବାର୍ବାଡୋସରେ ପହଞ୍ଚିଛନ୍ତି । ଆସନ୍ତା କାଲି ଅର୍ଥାତ ଜୁନ ୨୯ ରେ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଟାଇଟଲ ମୁକାବିଲା ଖେଳାଯିବ । ଭାରତୀୟ ଦଳ ପାଇଁ ଗତ କିଛି ଦିନ ହେବ ବ୍ୟସ୍ତବହୁଳ କାର୍ଯ୍ୟକ୍ରମ ରହିଛି । ଦଳ ଗତ ସପ୍ତାହେ ଭିତରେ ୪ଟି ମ୍ୟାଚ ଖେଳି ସାରିଲାଣି । ଆଉ ସବୁ ମ୍ୟାଚ ଜିତିଛି ରୋହିତ ବାହିନୀ । ଗତକାଲି ଭାରତ ଦ୍ୱିତୀୟ ସେମି ଫାଇନାଲରେ ଇଂଲଣ୍ଡକୁ ୬୮ ରନରେ ହରାଇ ୧୦ ବର୍ଷ ପରେ ଫାଇନାଲରେ ପ୍ରବେଶ କରିଛି ।
ଟି-୨୦ ବିଶ୍ୱକପ ୨୦୨୪ ରେ ଭାରତୀୟ ଦଳର ପ୍ରଦର୍ଶନ ଚମତ୍କାର ରହିଛି । ଟାଇଟଲଠୁ ଭାରତ ମାତ୍ର ଗୋଟଇଏ ପାଦ ଦୂରରେ ରହିଛି । ଦଳ ଅପରାଜୟ ରହି ଫାଇନାଲରେ ପହଞ୍ଚିଛି । ୨୦୦୭ ପ୍ରଥମ ସଂସ୍କରଣ ପରେ ରୋହିତ ଶର୍ମାଙ୍କ ନେତୃତ୍ୱାଧୀନ ଭାରତୀୟ ଦଳ ଦ୍ୱିତୀୟ ଟି -୨୦ ଟ୍ରଫି ଜିତିବାକୁ ଉତତ୍ସକ । ସେମିତିରେ ଭାରତ ଶେଷ ଥର ୨୦୧୩ ରେ ଆଇସିସି ଚାମ୍ପିଅନ୍ସ ଟ୍ରଫି ଜିତିଥିଲା ।
ତେବେ ଆସନ୍ତା କାଲି ବାର୍ବାଡୋସରେ ବର୍ଷା ହେବାର ୭୮ପ୍ରତିଶତ ସମ୍ଭାବନା ରହିଛି । କିନ୍ତୁ ଫ୍ଧବନାଲ ପାଇଁ ରିଜର୍ଭ ଡେର ବ୍ୟବସ୍ଥା କରାଯାଇଛି । ବର୍ଷା ଯୋଗୁଁ ଜୁନ ୨୯ ରେ ମ୍ୟାଚ ସଂପୂର୍ଣ୍ଣ ନ ହେଲେ ୩୦ ତାରିଖରେ ରିଜର୍ଭ ଡେରେ ଅବଶିଷ୍ଟ ମ୍ୟାଚ ଖେଳାଯିବ ।ଯଦି ରିଜର୍ଭ ଡେରେ ଖେଳ ନ ହୁଏ ତେବେ ଭାରତ ଓ ଦକ୍ଷିଣ ଆଫ୍ରିକାକୁ ଯୁଗ୍ମ ବିଜେତା ଘୋଷିତ କରାଯାବ ।