(ଓଡିଶା ସ୍ପୋର୍ଟ): ଟିମ୍ ଇଣ୍ଟିଆର ପରବର୍ତ୍ତି ମିଶନ ହେଉି ଅଷ୍ଟ୍ରେଲିଆ ଯିବା । ଏହାର ଆରମ୍ଭ ଭାରତ – ଅଷ୍ଟ୍ରେଲିଆ ଟି-୨୦ ସିରିଜରୁ ହେବ, ଯାହାର ପ୍ରଥମ ମୁକାବିଲା ୨୧ ନଭେମ୍ବରରେ ଅନୁଷ୍ଠିତ ହେବ । ଏଥିରେ ଟିମ୍ ଇଣ୍ଡିଆର କ୍ୟାପଟେନ୍ ବିରାଟ କୋହଲି ଏବଂ ବିସ୍ଫୋଟକ ବ୍ୟାଟ୍ସ ମ୍ୟାନ୍ ରୋହିତ ଶର୍ମାଙ୍କ ମଧ୍ୟରେ ତିନିଗୋଟି ଖାସ୍ ରେକର୍ଡକୁୁ ନେଇ ଯୁଦ୍ଧ ଦେଖିବାକୁ ମିଳିପାରେ । ଟି-୨୦ କ୍ରିକେଟରେ ସର୍ବାଧିକ ରନ୍ ସଂଗ୍ରହ କରିଥିବା ଖେଳାଳୀଙ୍କ କଥା କୁହାଗଲେ ନିୟୁଜଲ୍ୟାଣ୍ଡର ମାର୍ଟିନ ଗପ୍ଟିଲ ୨,୨୭୧ ରନ୍ ସହିତ ପ୍ରଥମ ସ୍ଥାନରେ ରହିଛନ୍ତି । ଦ୍ୱିତୀୟ ସ୍ଥାନରେ ଭାରତର ରୋହିତ ଶର୍ମା ୨,୨୦୭ ରନ୍ ସହିତ ରହିଛନ୍ତି । ଯେତେବେଳେ କି ପଞ୍ଚମ ସ୍ଥାନରେ ବିରାଟ କୋହଲି ୨,୧୦୨ ରନ୍ କରି ରହିଛନ୍ତି । ଏମିତି କହିବାକୁ ଗଲେ ଦୁଇ ବ୍ୟାଟ୍ସ ମ୍ୟାନ୍ ମାର୍ଟିନ୍ ଗପ୍ଟିଲଙ୍କ ସମକକ୍ଷ ହେବାରେ ଅଳ୍ପ ଦୂରତା ରହିଛି । ରୋହିତ ଶର୍ମା ଏହି ରେକର୍ଡ ସୃଷ୍ଟି କରିବାରେ ଅଧିକ ପାଖରେ ରହିଛନ୍ତି, କିନ୍ତୁ କୋହଲିଙ୍କ ଶିଘ୍ରତାକୁ ଦେଖିଲେ ତାଙ୍କପାଇଁ ଏହି ଯୁଦ୍ଧ ସହଜ ହେବନାହିଁ ବୋଲି ଅନୁମାନ କରାଯାଉଛି ।
ଦ୍ୱିତୀୟ କଥା ହେଲା, ଟି-୨୦ କ୍ରିକେଟରେ ସର୍ବାଧିକ ଚୌକା ମାରିଥିବା ରେକର୍ଡରେ ଶ୍ରୀଲଙ୍କାର ପୁୂର୍ବତନ କ୍ରିକେଟର ତିଲକରତ୍ନ ଦିଲଶାନ୍ ଙ୍କ ନାମରେ ରହିିଛି । ସେ ୨୨୩ ଚୌକା ସଂଗ୍ରହ କରିଥିଲେ । ଏହାପରେ ୨୧୪ ଚୌକା ସହିତ କୋହଲି ତୃତୀୟ ସ୍ଥାନରେ ରହିଛନ୍ତି, ଯେତେବେଳେ କି ଚତୁର୍ଥ ସ୍ଥାନରେ ୨୦୦ ଚୌକା ସହିତ ରୋହିତ ଶର୍ମା ରହିଛନ୍ତି । ଏମିତିରେ ଦୁୁହିଁଙ୍କୁ ଏହି ରେକର୍ଡ ଭାଙ୍ଗିବାକୁ ଏବେ ବହୁତ କମ୍ ବାଉଁଣ୍ଡରିଜ୍ ମାରିବାକୁ ହେବ । ବିରାଟ କୋହଲି ଟି-୨୦ ମ୍ୟାଚ୍ରେ ସର୍ବାଧିକ ୧୮ ଅର୍ଦ୍ଧଶତକ କରିଥିବା ଖେଳାଳୀ ଅଟନ୍ତି । ରୋହିତ ଶର୍ମା ମଧ୍ୟ ବେଶି ପଛରେ ନାହାଁନ୍ତି ସେ ଏବେ ସୁଦ୍ଧା ୧୫ ଅର୍ଦ୍ଧଶତକ ସଂଗ୍ରହ କରିସାରିଛନ୍ତି । ଯଦି ଏହି ସିରିଜରେ କୋହଲିଙ୍କ ବ୍ୟାଟ୍ ନ ଚାଲେ ଏବଂ ରୋହିତ ୪ଟି ଅର୍ଦ୍ଧଶତକ ସଂଗ୍ରହ କରିନେଉଛନ୍ତି ତେବେ ସେ କୋହଲିଙ୍କୁ ପଛରେ ପକାଇ ପାରନ୍ତି ।
