କଲମ୍ବୋ : ପାକିସ୍ତାନ ବିପକ୍ଷରେ ବିସ୍ଫୋରକ ଶତକ ହାସଲ କରିଥିବା ବିରାଟ କୋହଲି ଏକାଧିକ କୀର୍ତିମାନ ହାସଲ କରିଛନ୍ତି । ଏସିଅ । କପର ସୁପର ୪ର ମ୍ୟାଚରେ ବିରାଟ ଅପରାଜିତ ୧୨୨ ରନର ଇନିଂସ ଖେଳିଛନ୍ତି । ଏହା ତାଙ୍କ ଦିନିକିଅ । କ୍ୟାରିଅରର ୪୭ ତମ ଶତକ । ସେହିପରି ଅନ୍ତର୍ଜାତୀୟ କ୍ୟାରିୟରରେ ବିରାଟ ୭୭ଟି ଶତକ ମାରିବାର ରେକର୍ଡ କରିଛନ୍ତି । ଏହାବାଦ ବିରାଟ ଦିନିକିଆରେ ୧୩ ହଜାର ରନ୍ ମଧ୍ୟ ପୂରଣ କରିଛନ୍ତି ।
ଦିନିକିଆରେ ୧୩ ହଜାର ରନ ପୂରଣ କରିବାରେ ସେ ବିଶ୍ୱର ଦ୍ରୁତତମ ବ୍ୟାଟର ବନିଛନ୍ତି । ଏଥିସହ ସଚିନ ତେନ୍ଦୁଲକରଙ୍କ ରେକର୍ଡ ମଧ୍ୟ ଭାଙ୍ଗିଛନ୍ତି । ସଚିନ ୨୦୦୪ ମସିହାରେ ପାକିସ୍ତାନ ବିପକ୍ଷ ରାୱଲପିଣ୍ଡି ଦିନିକିଆରେ ୧୩ ହଜାର ରନ ପୂରଣ କରିଥିଲେ । ବିରାଟ ମଧ୍ୟ ସେହି ପାକିସ୍ତାନ ବିପକ୍ଷରେ ଦିନିକିଆରେ ୧୩ ହଜାର ରନ ପୂରଣ କରିଛନ୍ତି । ସଚିନ ୩୨୧ ଇନିଂସରେ ୧୩ ହଜାର ରନ ହାସଲ କରିଥିବା ବେଳେ ବିରାଟ ମାତ୍ର ୨୬୭ଟି ଇନିଂସରେ ଏହି ରେକର୍ଡକୁ ଅତିକ୍ରମ କରିଛନ୍ତି । ଦିଲ୍ଲୀରେ ଜନ୍ମିତ ବିରାଟ ଏବେ ଦିନିକିଅ ।ରେ ୪୭ଟି ଶତକ ହାସଲ କରି ସାରିଲେଣି । ସଚିନଙ୍କ ସର୍ବକାଳୀନ ଦିନିକିଆ ଶତକ ରେକର୍ଡ ଠାରୁ ସେ ମାତ୍ର ୨ଟି ୧୦୦ ପଛରେ ଅଛନ୍ତି । ଏସିଅ। କପର ପରବର୍ତୀ ମ୍ୟାଚ ଓ ବିଶ୍ୱକପରେ ସେ ଏହି ରେକର୍ଡକୁ ଅତିକ୍ରମ କରିବାର ସୁଯୋଗ ରହିଛି । ଦିନିକିଅ।ରେ ସଚିନ ତେନ୍ଦୁଲକର ୧୮୪୨୬ ରନ କରିଥିବା ବେଳେ ତାଙ୍କ ପଛକୁ କୁମାର ସାଙ୍ଗାକାରା ୧୪୨୩୪, ରିକି ପନଟିଂ ୧୩୭୦୪ ରନ, ସନତ ଜୟସୂରିୟା ୧୩୪୩୦ ଓ ବିରାଟ କୋହଲି ୧୩୦୨୪ ରନ ରହିଛନ୍ତି ।
କଲମ୍ବୋ କଥା ବିଚାରକୁ ନେଲେ ବିରାଟ ଏଠାରେ କ୍ରମାଗତ ଭାବେ ଶତକ ହାସଲ କରି ଚାଲିଛନ୍ତି । ଗତ ୪ଟି ଇନିଂସରେ ସେ ଏଠାରେ ୪ଟି ଶତକ ମାରିଛନ୍ତି । ସେ ପ୍ରଥମେ ୧୧୯ ବଲରେ ଅପରାଜିତ ୧୨୮ ରନ କରିଥିବା ବେଳେ ଏହାପରେ ୯୬ ବଲରେ ୧୩୧, ୧୧୬ ବଲରେ ଅପରାଜିତ ୧୧୦ ଓ ଅ ।ଜି ୯୪ ବଲରେ ଅପରାଜିତ ୧୨୨ ରନର ଇନିଂସ ଖେଳିଛନ୍ତି । ଏସିଆ କପରେ ସର୍ବାଧିକ ଶତକ ହାସଲ କରିଥିବା କ୍ରିକେଟରଙ୍କ ମଧ୍ୟରେ ବିରାଟ ଦ୍ୱିତୀୟ ସ୍ଥାନରେ ରହିଛନ୍ତି । ସେ ଏହି ମେଗା ଟୁର୍ଣ୍ଣାମେଣ୍ଟରେ ଏଯାଏ ୪ଟି ଶତକ ମାରିଥିବା ବେଳେ ଶ୍ରୀଲଙ୍କାର ସନତ ଜୟସୂରିୟା ୬ଟି ଶତକ ସହ ୧ନଂରେ ରହିଛନ୍ତି । କୁମାର ସାଙ୍ଗାକାରା ମଧ୍ୟ ୪ଟି ଓ ପାକିସ୍ତାନର ସୋଏବ ମଲିକ ୩ଟି ଶତକ ହାସଲ କରିଛନ୍ତି ।
