ଆସନ୍ତା ଜୁନ୍ ୭ ତାରିଖରେ ଭାରତ-ଅଷ୍ଟ୍ରେଲିଆ ଭିତରେ ଖେଳାଯିବ ବିଶ୍ୱ ଟେଷ୍ଟ ଚାମ୍ପିୟନସିପ୍ ଫାଇନାଲ୍ । ଏହି ମ୍ୟାଚ୍ ଇଂଲଣ୍ଡର ଓଭାଲ ଗ୍ରାଉଣ୍ଡରେ ଖେଳାଯିବ । ତେବେ ଏହି ମ୍ୟାଚ୍ ପାଇଁ ବିସିସିଆଇ ୧୫ ଜଣିଆ ଭାରତୀୟ ଦଳ ଘୋଷଣା କରିସାରିଛି । ହେଲେ ଏହାରି ଭିତରେ ଭାରତୀୟ କ୍ରିକେଟ୍ ଟିମର ପୂର୍ବତନ କୋଚ୍ ରବି ଶାସ୍ତ୍ରୀ କହିଛନ୍ତି ଯେ, ବିଶ୍ୱ ଟେଷ୍ଟ ଚାମ୍ପିୟନସିପ୍ ଫାଇନାଲରେ ଧୋନୀଙ୍କୁ ୱିକେଟ୍ କିପିଂ କରିବାକୁ କୁହାଯାଉ । ରିର୍ଟାୟରମେଣ୍ଟ ନିଷ୍ପତ୍ତିକୁ ଫେରାଇ ନେଇ ଧୋନୀ ଟେଷ୍ଟ ଚାମ୍ପିୟନସିପ୍ ଫାଇନାଲ୍ ଖେଳନ୍ତୁ ବୋଲି ଶାସ୍ତ୍ରୀ କହିଛନ୍ତି । କାହିଁକି ନା, ଧୋନୀ ଆଜି ବି ଫିଟ୍ ଅଛନ୍ତି, ଏବଂ ଚମତ୍କାର କିପିଂ କରୁଛନ୍ତି । ତେଣୁ ଟେଷ୍ଟ ଚାମ୍ପିୟନସିପ୍ ଫାଇନାଲରେ ସେ କିପିଂ କଲେ ଭାରତ ଏହାର ଲାଭ ପାଇବ ବୋଲି ଶାସ୍ତ୍ରୀ କହିଛନ୍ତି । ସୂଚନାଯୋଗ୍ୟ ଯେ, ଟେଷ୍ଟ ଚାମ୍ପିୟନସିପ୍ ଫାଇନାଲ ପାଇଁ ଘୋଷିତ ହୋଇଥିବା ଦଳରେ ୱିକେଟ୍ କିପର ଭାବେ କେ ଏସ ଭରତ ରହିଛନ୍ତି । ତାଙ୍କ ସହିତ କେ ଏଲ ରାହୁଲ ମଧ୍ୟ ୱିକେଟ୍ କିପିଂ କରିବାକୁ ସକ୍ଷମ ।
