(ଓଡିଶା ସ୍ପୋର୍ଟ): ଆଜି ଠାରୁ ଜବାହରଲାଲ ନେହେରୁ ଇଣ୍ଡୋର ଷ୍ଟାଡିୟମରେ ଜାତୀୟ ଉପକନିଷ୍ଠ କୁସ୍ତି ପ୍ରତିଯୋଗିତା ଆରମ୍ଭ ହେବ। ସର୍ବଭାରତୀୟ କୁସ୍ତି ମହାସ˚ଘ ଓ ଓଡ଼ିଶା କୁସ୍ତି ସ˚ଘର ମିଳିତ ଆନୁକୂଲ୍ୟରେ ପ୍ରତିଯୋଗିତା ଅନୁଷ୍ଠିତ ହେବ । ଦୀର୍ଘ ୨୨ ବର୍ଷ ପରେ ଦ୍ବିତୀୟ ଥର ପାଇଁ ଏହି ପ୍ରତିଯୋଗିତା ଆୟୋଜନ ହେଉଥିବାରୁ ଏଥିପାଇଁ ସମସ୍ତ ପ୍ରସ୍ତୁତି ଶେଷ ହୋଇସାରିଛି। ସବୁ ଦଳର ଖେଳାଳି ଓ ମ୍ୟାଚ ପରିଚାଳନା ଅଧିକାରୀମାନେ ପହଞ୍ଚିସାରିଛନ୍ତି । ଓଡ଼ିଶା ଦଳ ନିଜ ମାଟିରେ ଭଲ ପ୍ରଦର୍ଶନ କରିବା ପାଇଁ ଜୋରଦାର ଅଭ୍ୟାସ କରିଥିବା ସ˚ଘ ପକ୍ଷରୁ ସୂଚନା ଦିଆଯାଇଛି। ଓଡ଼ିଶା ଦଳରେ ବାଳକ ବର୍ଗରେ ଶିବଦେନ୍ଦୁ ସାମଲ, ରାଜୀବ ସୋରେନ, କେଶବ ଚନ୍ଦ୍ର ନାୟକ, ତାପସ ବେହେରା, ଲୋକନାଥ ସୁପକାର, ପ୍ରଶାନ୍ତ କୁମାର, ସାହିଲ ସୁନ୍ଦର ବେହେରା, ଶ୍ୟାମ ର˚ଜନ ପ୍ରଧାନ, ଅରଜିତ ମଲ୍ଲିକ, ଜୟକିଷାନ ପୂଜାପଣ୍ତା ଏବଂ ବାଳିକା ଦଳରେ ଶୁଭଶ୍ରୀ ନାୟକ, ନୀପାଞ୍ଜଳି ମହାରଣା, ସନ୍ତୋଷିନୀ ନାୟକ, ପୂର୍ଣ୍ଣିମା ପରିଡ଼ା, ଦିବ୍ୟଜ୍ୟୋତି ନାୟକ, ସାହିଦା ବେଗମ, ଶିଳ୍ପା ସାହୁ ସାମିଲ ଅଛନ୍ତି ବୋଲି ସୂଚନା ଦିଆଯାଇଛି। ରାଜ୍ୟ ସ˚ଘ ସମ୍ପାଦକ ବିନୋଦ ଦାସ ପଦକ ମିଳିବା ନେଇ ଆଶା ରଖିଛନ୍ତି। ଅନ୍ୟପକ୍ଷରେ ଓଡ଼ିଶାର ସ୍ୱର୍ଣ୍ଣ ବିଜେତାଙ୍କୁ ରାଜ୍ୟ ସ˚ଘ ସଭାପତି ରାମଚନ୍ଦ୍ର ପାଢୀ ୫ ଲକ୍ଷ ଓ କଳିଙ୍ଗ ଜିମ୍ନାସିୟମ ପକ୍ଷରୁ ୧୦ ଲକ୍ଷ ଟଙ୍କା ପୁରସ୍କାର ଦିଆଯିବାକୁ ଘୋଷଣା କରାଯାଇଛି।
ଆଜିଠାରୁ ଜାତୀୟ ଉପକନିଷ୍ଠ କୁସ୍ତି ପ୍ରତିଯୋଗିତା ଆରମ୍ଭ
