ଭୁବନେଶ୍ୱର: ଭଲିବଲ ଫେଡେରେସନ୍ର ଅଫ ଇଣ୍ଡିଆର ସଭାପତି ଭାବେ ନିର୍ବିବାଦରେ ନିର୍ବାଚିତ ହୋଇ ଓଡ଼ିଶା ପାଇଁ ଗର୍ବ ଓ ଗୌରବ ଆଣିଛନ୍ତି କିଟ୍ ଓ କିମ୍ସର ପ୍ରତିଷ୍ଠାତା ତଥା କନ୍ଧମାଳ ସାଂସଦ ଡ. ଅଚ୍ୟୁତ ସାମନ୍ତରାୟ । ଏହି ପଦବୀ ପାଇବା ପରେ ସେ ଭାରତୀୟ ଅଲମ୍ପିକ ଆସୋସିଏସନର ଜଣେ ଉଚ୍ଚ ପଦବୀଧାରୀ ଭାବେ ଭାରତୀୟ କ୍ରିଡା କ୍ଷେତ୍ରରେ ପ୍ରତିଷ୍ଠିତ ହୋଇଛନ୍ତି । ଡ ସାମନ୍ତଙ୍କୁ ଭାରତୀୟ ଭଲିବଲ ଫେଡେରେସନର ସଭାପତି ନିୟୋଜିତ କରାଯିବା ପରେ ତାଙ୍କୁ ବିଭିନ୍ନ ମହଲରୁ ଅଭିନନ୍ଦନର ସୁଅ ଛୁଟିଛିି । ଓଡିଆ ଭଲିବଲ ଆସୋସିଏସନ ପକ୍ଷରୁ ସଂଗଠନର ସାଧାରଣ ସମ୍ପାଦକ ଡ ଗଗନେନ୍ଦୁ ଦାଶ ମଧ୍ୟ ଶୁଭେଚ୍ଛା ଜଣାଇଛନ୍ତି । ଭଲିବଲ ଇଣ୍ଡିଆ ଫେଡେରେସନର ନିଷ୍ପତ୍ତିକୁ ନେଇ ଡ ସାମନ୍ତ ଖୁସି ବ୍ୟକ୍ତ କରିବା ସହ ଆଗକୁ ଭଲିବଲ କ୍ଷେତ୍ରରେ ଭାରତକୁ ବିଶ୍ୱ ସ୍ଥରରେ ସଫଳତାର ଶିଖରରେ ପହଞ୍ଚାଇବା ନେଇ ଦ୍ଧୃଡ଼ୋକ୍ତି ପ୍ରକାଶ କରିଛନ୍ତି ।
ଏହା ପୂର୍ବରୁ ସେ ଭାରତୀୟ ଭଲିବଲ ପେଡେରେସନର ମୁଖ୍ୟ ପୃଷ୍ଠପୋଷକ ଭାବେ ମନୋନିତ ହୋଇଥିଲେ । ରାଜ୍ୟ କ୍ରିଡା କ୍ଷେତ୍ର ପ୍ରତି ବହୁ ଅବଦାନ ରହିଛି ଡ ସାମନ୍ତଙ୍କର । ସେ ରାଜ୍ୟ, ଦେଶ ତଥା ଅନ୍ତର୍ଜାତୀୟ କ୍ରିଡାକୁ ତାଙ୍କ ସଂଗଠନର କ୍ରିଡାବିତଙ୍କ ଦ୍ୱାରା ସମୃଦ୍ଧ କରିଛନ୍ତି । ତେଣୁ ତାଙ୍କ ନେତୃତ୍ୱରେ ଭାରତୀୟ ଭଲିବଲ ତଥା ଅନ୍ୟାନ୍ୟ କ୍ରିଡା ନିଶ୍ଚିତ ସଫଳତାର ଶିଖର ଦେଶରେ ପାଦ ଥାପିବ । ଡ ସାମନ୍ତ ଏହି ପଦବୀରେ ଆସିନ୍ନ ହୋଇଥିବା ପ୍ରଥମ ଓଡଆ ହୋଇଥିବାରୁ ତାଙ୍କ ପାଇଁ ଆଜି ଓଡିଶା ଗୌରବାନ୍ୱିତ ହୋଇଛି ।
