ଥାଇଲାଣ୍ଡ ଓପନ ଖେଳିବେନି ସିନ୍ଧୁ

(ଓଡିଶାସ୍ପୋର୍ଟସ୍): ଥାଇଲାଣ୍ଡ ଓପନ ଖେଳିବେନି ସିନ୍ଧୁ । ବ୍ୟାଡମିଣ୍ଟନ ତାରକା ପିଭି ସିନ୍ଧୁ ଥାଇଲାଣ୍ଡ ଓପନରୁ ନିଜ ନାଁକୁ ଫେରାଇ ଆଣିଛନ୍ତି । ଅନ୍ୟପଟେ ଆହତରୁ ପ୍ରତ୍ୟାବର୍ତ୍ତନ କରି ଥାଇଲାଣ୍ଡ ଓପନରେ ଅଂଶ ଗ୍ରହଣ କରିବେ ସାଇନା ନେହୱାଲ୍ । ପିଭି ସିନ୍ଧୁ ନାଁ ଫେରାଇବା ପରେ ଭାରତର ସମ୍ପୂର୍ଣ୍ଣ ଆଶା ଏବେ ସାଇନାଙ୍କ ଉପରେ ରହିଛି ।
ଏକ ଇଂରାଜୀ ଖବର ଅନୁଯାୟୀ ସିନ୍ଧୁ ଆସନ୍ତା ମାସରେ ହେବାକୁ ଥିବା ବିଶ୍ୱ ଚାମ୍ପିୟନସିପ ଉପରେ ନିଜର ସମ୍ପୂର୍ଣ୍ଣ ଧ୍ୟାନ ଦେବା ପାଇଁ ଥାଇଲାଣ୍ଡ ଓପନରୁ ନିଜ ନାଁକୁ ଫେରାଇ ଆଣିଛନ୍ତି । ସିନ୍ଧୁଙ୍କ ବ୍ୟତୀତ ଜାପାନର ନୋଜୋମୀ ଓକୁହାରା , ଅକାନେ ୟାମାଗୁଚୀ ଏବଂ ଚୀନର ତାଇ ଜୀ ୟିଂଗ ମଧ୍ୟ ନିଜର ନାଁ ଫେରାଇଛନ୍ତି । ଥାଇଲାଣ୍ଡ ଓପନରେ ଜାପାନର ସାୟକା କିମ୍ୱା ଇଣ୍ଡୋନେଶିଆର ରସେଲୀଙ୍କ ବିପକ୍ଷରେ ସାଇନା ନିଜର ଅଭିଯାନ ଆରମ୍ଭ କରିବେ।