(ଓଡିଶା ସ୍ପୋର୍ଟ): ନ୍ୟୁଜିଲାଣ୍ଡ ଦଳର ପୂର୍ବତନ ଅଧିନାୟକ ବ୍ରେଣ୍ଡନ ମ୍ୟାକୁଲମ ଅଷ୍ଟ୍ରେଲିଆର ଟି୨୦ ଟୁର୍ନାମେଣ୍ଟ ବିଗ ବାଶ ଲିଗ୍ (ବିବିଏଲ)ରୁ ଅବସର ନେବାକୁ ଯାଉଛନ୍ତି। ଚଳିତ ସଂସ୍କରଣ ତାଙ୍କର ଅନ୍ତିମ ସିଜନ ହେବ ବୋଲି ସେ ରବିବାର ସୂଚନା ଦେଇଛନ୍ତି। ଜଣେ ଖେଳାଳି ଭାବେ କ୍ରିକେଟରୁ ଅବସର ନେବା ପରେ କୋଚିଂ କ୍ଷେତ୍ରରେ ନିଜ ଭାଗ୍ୟ ପରୀକ୍ଷା କରିବେ। ଆସନ୍ତା ୮ ତାରିଖରେ ମେଲବୋର୍ନ ଷ୍ଟାର୍ସ ବିପକ୍ଷରେ ଖେଳାଯିବାକୁ ଥିବା ମ୍ୟାଚ ବାଜଙ୍କ କ୍ୟାରିୟରର ଅନ୍ତିମ ବିବିଏଲ ମୁକାବିଲା ହେବ। ପଏଣ୍ଟ ଟେବୁଲରେ ବ୍ରିସବେନ ହିଟ ୧୧ ପଏଣ୍ଟ ସହ ୫ମ ସ୍ଥାନରେ ରହିଛି। ଆଇପିଏଲରେ କୌଣସି ଦଳକୁ ଆକୃଷ୍ଟ କରିପାରି ନ ଥିବା ବାଜ ଚଳିତ ବର୍ଷ ବିଭିନ୍ନ ଟି୨୦ ଲିଗ୍ରେ ଅଂଶଗ୍ରହଣ କରିବେ।
ବିବିଏଲରୁ ସନ୍ନ୍ୟାସ ନେବେ ବ୍ରେଣ୍ଡନ ମ୍ୟାକୁଲମ
