(ଓଡିଶା ସ୍ପାର୍ଟ): ଆସନ୍ତାକାଲି ବିଶ୍ୱକପ ପାଇଁ ଭାରତୀୟଦଳ ଘୋଷଣା ହେବ।ଚୟନ କମିଟି ବିଶ୍ୱକପ ପାଇଁ ୧୫ ଜଣିଆ ଦଳ ଚୟନ କରିବ ।
୧୫ ଜଣିଆ ଦଳରେ କିଏ କିଏ ରହିବେ ତାହାକୁ ନେଇ ଏବେଠାରୁ ନାନା କଳ୍ପନା ଜଳ୍ପନା ପ୍ରକାଶ ପାଇଲାଣି । ଜାତୀୟ ସ୍ତରର ଖବରକାଗଜ ଦି ନ୍ୟୁ ଇଣ୍ଡିଆନ ଏକ୍ସପ୍ରେସରେ ପ୍ରକାଶିତ ରିପୋର୍ଟ ଅନୁସାରେ ୧୫ ଜଣିଆ ଦଳ ମଧ୍ୟରୁ ଇତି ମଧ୍ୟରେ ୧୪ ଜଣଙ୍କ ନାଁ ଚୂଡାନ୍ତ ହୋଇସାରିଲାଣି । କାଲିସୁଦ୍ଧା ଆଉ ଜଣକର ନାଁ ଚୂଡାନ୍ତ ହୋଇଯିବ ।
ଏହି ରିପୋର୍ଟ ଅନୁସାରେ ବିରାଟ କୋହଲୀ ଦଳର ନେତ୍ତ୍ବ ନେବେ । ଅନ୍ୟ ଖେଳାଳୀମାନେ ହେଲେ ରୋହିତ ଶର୍ମା, ମହେନ୍ଦ୍ର ସିଂ ଧୋନି, ଶିଖର ଧୱନ, ହାର୍ଦ୍ଦିକ ପାଣ୍ଡ୍ୟା, ଯୁଜବେନ୍ଦ୍ର ଚହଲ, କୂଳଦୀର ଯାଦବ, ଭୁବନେଶ୍ବର କୁମାର, ବୁମରା, ମହମ୍ମଦ ସମି, କେଦାର ଯାଦବ, କେଏଲ ରାହୁଲ,ବିଜୟ ଶଙ୍କର ଓ ରିଷଭ ପନ୍ତ ।ଏପ୍ରିଲ ୨୩ ସୁଦ୍ଧା ସବୁ ଟିମଙ୍କୁ ନିଜର ୧୫ ଜଣିଆ ଦଳ ଘୋଷଣା କରିବାକୁ ଆଇସିସି କହିଛି ।
