(ଓଡିଶା ସ୍ପୋର୍ଟସ): ଭାରତର ଯୁବା ମୁଷ୍ଟିଯୋଦ୍ଧା ମଞ୍ଜୁ ରାଣୀଙ୍କୁ ବିଶ୍ୱ ମହିଳା ମୁଷ୍ଟିଯୋଦ୍ଧା ଚମ୍ପିଆନସିପରେ ରୌପ୍ୟ ପଦକରେ ସନ୍ତୁଷ୍ଟ ହେବାକୁ ପଡିଛି । ପ୍ରଥମଥର ପାଇଁ ବିଶ୍ୱ ଚମ୍ପିଆନସିପରେ ଭାଗ ନେଇଥିବା ଷଷ୍ଠ ସ୍ଥାନର ଅଧିକାରୀ ମଞ୍ଜୁ ରବିବାର ଦିନ ୪୮ କି.ଗ୍ରା ଭାର ବର୍ଗର ଫାଇନାଲରେ ଭଲ ପ୍ରଦର୍ଶନ କରିଥିଲେ କିନ୍ତୁ ଋଷର ଖେଳାଳୀଙ୍କ ଆଗରେ ବେଶି ସମୟ ଛିଡା ହୋଇପାରି ନ ଥିଲେ । ଶେଷରେ ତାଙ୍କୁ ଋଷ ଖେଳାଳୀ ଏକାତେରିନା ପାଲ୍ଟସେବାଙ୍କ ହାତରେ ୪-୧ରେ ପରାଜୟର ସାମ୍ନା କରିବାକୁ ପଡିଥିଲା । ଏହାପରେ ମଧ୍ୟ ମଞ୍ଜୁ ଇତିହାସ ପୃଷ୍ଠାରେ ନିଜର ନାମକୁ ଲେଖିଛନ୍ତି । ୧୮ ବର୍ଷପରେ ମଞ୍ଜୁ ଏପରି ଦ୍ୱିତୀୟ ମୁଷ୍ଟିଯୋଦ୍ଧା ହୋଇଛନ୍ତି ଯେ ନିଜର ପ୍ରଥମ ବିଶ୍ୱ ଚମ୍ପିଆନସିପ୍ ଫାଇନାଲରେ ପ୍ରବେଶ କରିଥିଲେ । ତାଙ୍କ ପୂର୍ବରୁ ୨୦୦୧ ମସିହାରେ ଷ୍ଟାର ମୁଷ୍ଟିଯୋଦ୍ଧା ମୈରୀ କମ୍ ଏହି ଉପଲବ୍ଧି ହାସଲ କରିଥିଲେ ।
ମଞ୍ଜୁଙ୍କ ଫାଇନାଲରେ ପରାଜୟ ପରେ ବିଶ୍ୱ ମହିଳା ମୁଷ୍ଟିଯୋଦ୍ଧା ଚମ୍ପିଆନସିପରେ ଭାରତର ପ୍ରତିଦ୍ୱନ୍ଦିତା ସମାନ୍ତ ହୋଇଯାଇଛି । ଭାରତ ତରଫରୁ ମଞ୍ଜୁ ରାଣୀ ରୌପ୍ୟ, ମେରୀ କମ୍, ଜମୁନା ବୋରୋ ଏବଂ ଲଭଲିନା ବ୍ରୋଞ୍ଜ ପଦକ ଜିତିଛନ୍ତି ।
