ଭାରତ-ୱେଷ୍ଟଇଣ୍ଡିଜ ଦ୍ୱିତୀୟ ଦିନିକିଆ

(ଓଡିଶା ସ୍ପୋର୍ଟ): ଆଜି ଭାରତ-ୱେଷ୍ଟଇଣ୍ଡିଜ ମଧ୍ୟରେ ଦ୍ୱିତୀୟ ଦିନିକିଆ ମ୍ୟାଚ ଖେଳାଯିବ । ପୋର୍ଟ ଅଫ ସ୍ପେନରେ ସଂଧ୍ୟା ୭ଟାରେ ଏହି ମ୍ୟାଚ ମଜା ଉଠାଇପାରିବେ ଦର୍ଶକ । ପ୍ରଥମ ଦିନିକିଆରେ ବର୍ଷା ସାଜିଥିଲା ବାଧକ । କିନ୍ତୁ ଆଜିର ମ୍ୟାଚରେ ଉଭୟ ଦଳ ବିଜୟୀ ହେବା ସହ ସିରିଜରେ ଆଗୁଆ ରହିବା ଲକ୍ଷ୍ୟରେ ପଡିଆକୁ ଓହ୍ଲାଇବେ । ଦିନିକିଆ ସିରିଜ ପାଇଁ ଉଭୟ ଦଳ ନିଜର ଅନୁଭବୀ ଖେଳାଲିଙ୍କ ସହ ମ୍ୟାଚ ଖେଳୁଛନ୍ତି । ଫଳରେ ଫ୍ୟାନମାନଙ୍କୁ ଆଜି ଏକ ଭଲ ମୁକାବିଲା ଦେଖିବାକୁ ମିଳିବ । ବିସ୍ଫୋରକ ବ୍ୟାଟ୍ସମ୍ୟାନ୍ କ୍ରିସ୍ ଗେଲ୍ ଓ ଯୁବ ବ୍ୟାଟ୍ସମ୍ୟାନ୍ ସାଇ ହୋପ୍ ଫେରିଥିବାରୁ ବ୍ୟାଟିଂ ଲାଇନ୍ ସୁଦୃଢ ହେବ । ଗେଲ୍ ଆଜି କ୍ୟାରିୟରର ୩ ଶହ ତମ ଦିନିକିଆ ଖେଳିବେ । ପ୍ରଥମ ମ୍ୟାଚରେ ମାତ୍ର ୧୩ ଓଭର ଖେଳାଯାଇଥିଲା । ଏହା ଭିତରେ ଏଭିନ୍ ଲୁଇସ୍ ଆକ୍ରମଣାତ୍ମକ ବ୍ୟାଟିଂ କରିଥିଲେ । ୩୬ଟି ବଲରୁ ସେ ଅପରାଜିତ ୪୦ ରନ୍ କରିଥିଲେ । ଏହା ଭିତରେ ଥିଲା ୩ଟି ଛକ୍କା । ଆଜି ମଧ୍ୟ ତାଙ୍କ ଆକର୍ଷଣୀୟ ବ୍ୟାଟିଂ ଦେଖିବାକୁ ମିଳିପାରେ । ସେହିପରି ଭାରତୀୟ ଦଳରେ କିଛି ଯୁବ ଖେଳାଳିଙ୍କୁ ସାମିଲ କରାଯାଇଛି । ଶିଖର ଧଓ୍ଵନ, ରୋହିତ୍ ଶର୍ମା ଓ ବିରାଟ କୋହଲୀଙ୍କ ବ୍ୟାଟିଂ ଉପରେ କ୍ରୀଡ଼ାପ୍ରେମୀଙ୍କ ନଜର ରହିବ ।