(ଓଡିଶା ସ୍ପୋର୍ଟ): ପୂର୍ବ ଚମ୍ପିଆନ ମୀରାବାଇ ଚାନୁ ଥାଇଲାଣ୍ଡରେ ହେବାକୁ ଥିବା ଭାରୋତ୍ତଳନ ବିଶ୍ୱ ଚମ୍ପିଆନସିପ୍ ରେ ୭ ଜଣ ସଦସ୍ୟ ବିଶିଷ୍ଟ ଭାରତୀୟ ଟିମର ପ୍ରତିନିଧିତ୍ୱ କରିବେ । ସେପ୍ଟେମ୍ବର ୧୮ରୁ ୨୩ ପର୍ଯ୍ୟନ୍ତ ହେବାକୁ ଥିବା ବିଶ୍ୱ ଚମ୍ପିଆନସିପ୍ ଟୋକ୍ୱ ଅଲମ୍ପିକ୍ ୨୦୨୦ ପାଇଁ କ୍ୱାଲିଫାଇ ଟୁର୍ଣ୍ଣାମେଣ୍ଟ ଅଟେ । ଥାଇଲାଣ୍ଡରେ ଅଭ୍ୟାସରତ ଟିମ୍ରେ ୪ ଜଣ ମହିଳା ଏବଂ ୩ ଜଣ ପୁରୁଷ ଅଛନ୍ତି । ରାଷ୍ଟ୍ରୀୟ କୋଚ୍ ବିଜୟ ଶର୍ମା କହିଛନ୍ତି, “ଏହା ଆମର କୋର ଅଲମ୍ପିକ୍ଗ୍ରୁପ୍ ଅଟେ । ସେମାନଙ୍କୁ ଟୋକ୍ୱ ପାଇଁ ୬ଟି କ୍ୱାଲିଫାଇଙ୍ଗ ରାଉଣ୍ଡ ଖେଳିବାକୁ ହେବ, ଯେଉଁଥିରେ ବିଶ୍ୱ ଚମ୍ପିଆନସିପ୍ ମଧ୍ୟ ସାମିଲ ଅଛି ।” ସେ କହିଥିଲେ, “ଆମେ କୋର ଗ୍ରୁପ୍ରେ କେତେଜଣ ନୂତନ ଯୁବକଙ୍କୁ ସାମିଲ କରିଛୁ, କାରଣ ସେମାନଙ୍କର କିଛି ଅନୁଭବ ମିଳିପାରିବ । ଏହାଦ୍ୱାରା ଆମେ ଭବିଷ୍ୟତ ପାଇଁ ଭଲ ଭାରୋତ୍ତନକାରୀ ପ୍ରସ୍ତୁତ କରିପାରିବା ।” ୨୦୧୭ ମସିହାରେ ଆମେରିକାରେ ହୋଇଥିବା ବିଶ୍ୱ ଚମ୍ପିଆନସିପରେ ୪୮ କିଗ୍ରା ବିଭାଗରେ ସ୍ୱର୍ଣ୍ଣ ପଦକ ଜିତିଥିବା ମୀରାବାଇଙ୍କ ଠାରୁ ଭାରତ ପୁଣି ଥରେ ସ୍ୱର୍ଣ୍ଣ ପଦକର ଆଶା ରଖିଚି । ସେ ପୂର୍ବ ବର୍ଷ ଆହତ ହୋଇଥିବାରୁ ଭାଗ ନେଇ ପାରି ନ ଥିଲେ ।
ଟୋକ୍ୱ ଅଲମ୍ପିକ୍ ୨୦୨୦ର କ୍ୱାଲିଫକେସନ୍ ପ୍ରକ୍ରିୟା ଅନୁଯାୟୀ ୧୮ ମାସ ଭିତରେ ୬ଟି ଟୁର୍ଣ୍ଣାମେଣ୍ଟରେ ଭାରତ୍ତୋଳନର ପ୍ରଦର୍ଶନ ଦେଖାଯିବ, ଯେଉଁଥିରେ ୪ଟି ସର୍ବଶ୍ରେଷ୍ଠ ପ୍ରଦର୍ଶନ ଦେଖାଯିବ । ଭାରତୀୟ ଟିମର ପୁରୁଷ ବିଭାଗରେ ଜେରେମି ଲାଲାରିନୁଙ୍ଗା(୬୭ କିଗ୍ରା), ଅଚିନ୍ତା ଏସ୍(୭୩କିଗ୍ରା) ଏବଂ ଅଜୟ ସିଂହ(୧୮ କିଗ୍ରା) । ମହିଳାଙ୍କ ଟିମରେ ମିରାବାଇ ଚାନୁ(୪୯ କିଗ୍ରା), ଜିଲ୍ଲି ଦଲବେହେରା(୪୫ କିଗ୍ରା), ସ୍ନେହା ସୋରେନ(୫୫ କିଗ୍ରା) ଏବଂ ରାଖୀ ହଳଧର(୬୪ କିଗ୍ରା) ।
