(ଓଡିଶା ସ୍ପୋର୍ଟ): ରିଓ ଡି ଜେନେରିଓରେ ଚାଲିଥିବା ଆଇଏସଏସ୍ଏଫ୍ ସୁଟିଙ୍ଗ୍ ୱାର୍ଲ କପ୍ ୨୦୧୯ରେ ଭାରତୀୟ ସୁଟର ଏଯାବତ୍ ଭଲ ପ୍ରଦର୍ଶନ ଜାରିରଖିଛନ୍ତି । ଗୁରୁବାର ଦିନ ମଧ୍ୟ ଭାରତର ପ୍ରଭାବ ଜାରି ରହିଥିଲା । ଭାରତକୁ ଏକ ସ୍ୱର୍ଣ୍ଣ, ଏକ ରୌପ୍ୟ ଏବଂ ଏକ କାଂଶ୍ୟ ପଦକ ମିଳିଛି । ଖେଳ ଦିବସ ଅବସରରେ ସର୍ବ ପ୍ରଥମେ ୩୮ ବର୍ଷିୟ ସଂଞ୍ଜିବ ରାଜପୁତ୍ ୫୦ ମିଟର ଏୟାର ରାଇଫଲର ଥାର୍ଡ ପୋଜିସନରେ ରଜତ ପଦକ ଜିତି ଟୋକ୍ୱ ଅଲମ୍ପିକ୍ ପାଇଁ କ୍ୱାଲିଫାଇ କରିଛନ୍ତି । ସେହିପରି ୧୦ ମିଟର ଏୟାର ପିସ୍ତଲରେ ଇଭେଣ୍ଟରେ ଅଭିସେକ ବର୍ମା ସ୍ୱର୍ଣ୍ଣ ଏବଂ ସୌøରଭ ଚୌଧୁରୀ କାଂଶ୍ୟ ପଦକ ହାସ କରିଛନ୍ତି । ପଦକ ବିଜେତା ୩ ଖେଳାଳୀଙ୍କ ଜୀବନ କାହାଣୀ ରୋମାଞ୍ଚକର ଅଟେ । ଜଣେ ସ୍କୁଲର ଛାତ୍ର, ଜଣେ ପେସାରେ ଓକିଲ ଏବଂ ଜେଈଣ ଅଲମ୍ପିଆନ ଅଟନ୍ତି ।
ଅଭିଷେକ ବର୍ମା:
୨୪୪.୨ ଅଙ୍କ ସହିତ ୧୦ ମିଟର ଏୟାର ପିସ୍ତଲ ବିଭାଗରେ ସ୍ୱର୍ଣ୍ଣ ପଦକ ହାସଲ କରିଥିବା ଅଭିଷେକଙ୍କ ଜୀବନ କାହାଣୀ ବେଶ୍ ରୋମାଞ୍ଚକର ଅଟେ । କମ୍ପ୍ୟୁଟର ସାଇନ୍ସ୍ରେ ବି-ଟେକ୍ କରିବା ପରେ ଅଭିଷେକ ‘ଆଇନ୍’ ପାଠ ପଢିଥିଲେ । ଏହି ସମୟରେ ସେ ବନ୍ଧୁକ ଚାଳନା ଶିକ୍ଷା କରିଥିଲେ । ଏହା ତାଙ୍କର ସୌକ୍ ଥିଲା । ଦେଖୁ ଦେଖୁ ଏହି ସୌକ୍ ତାଙ୍କୁ ଚମ୍ପିଆନ କରିଥିଲା । ୨୦୧୮ରେ ଭାରତ ତରଫରୁ ବେଞ୍ଜିଙ୍ଗ ୱାର୍ଲଡ କପରେ ସ୍ୱର୍ଣ୍ଣ ପଦକ ହାସଲ କରିବା ସହିତ ବହୁତ କମ୍ ସମୟରେ ଅନେକ ମେଡାଲ୍ ନିଜ ନାମରେ କରିଥିଲେ । ଜିଲ୍ଲା ନ୍ୟାୟଧିଶଙ୍କ ପୁତ୍ର ଅଭିଷେକ ପ୍ରଥମରୁ ହିଁ ଟୋକ୍ୱ ଅଲମ୍ପିକ୍ ପାଇଁ କ୍ୱାଲିଫାଇ କରିସାରିଛନ୍ତି ।
ସୌରଭ ଚୌଧୁରୀ:
ଅଭିଷେକଙ୍କ ପରେ ୧୦ ମିଟର ଏୟାର ପିସ୍ତଲ ବିଭାଗରେ ବ୍ରୋଞ୍ଜ ପଦକ ଜିତିଥିବା ଏବଂ ଟୋକ୍ୱ ଅଲମ୍ପିକ୍ ପାଇଁ କ୍ୱାଲିଫାଇ କରିଥିବା ସୌରଭଙ୍କ ଜୀବନ ସଂଘର୍ଷମୟ ରହିଛି । ଗୋଟିଏ କୃଷକ ପରିବାରରେ ଜନ୍ମଗ୍ରହଣ କରିଥିବା ସୌରଭ ୧୩ ବର୍ଷ ବୟସରେ ବନ୍ଧୁକ ଚାଳନା ଶିକ୍ଷା କରିଥିଲେ । ସେ ପ୍ରତିଦିନ ୧୫ କି.ମି ଦୁର ଟ୍ରେନିଙ୍ଗ ପାଇଁ ଯାଉଥିଲେ । ଏହି କାରଣରୁ ସେ ୧୭ ବର୍ଷ ବୟସରେ ୫ଟି ୱାର୍ଲଡ କପ୍ ମେଡାଲ, ଏସିଆନ୍ ଗେମ୍ସ ମେଡାଲ ଏବଂ କେତେଗୁଡିଏ ଅନ୍ତରାଷ୍ଟ୍ରିୟ ଚମ୍ପିଆନଶିପ୍ ରେ ପଦକ ନିଜ ନାମରେ କରିଥିଲେ । ସୌରଭ ୧୦ ମିଟର ଏୟାର ପିସ୍ତଲରେ ୱାର୍ଲ ରେକର୍ଡ ଏବଂ ଜୁନିୟର ୱାର୍ଲଡ ରେକର୍ଡ ନିଜ ନାମରେ କରିଛନ୍ତି ।
ସଂଞ୍ଜୀବ୍ ରାଜପୁତ୍:
ରୌପ୍ୟ ପଦକ ହାସଲ କରିଥିବା ସଂଞ୍ଜିବ ରାଜପୁତଙ୍କ ଜୀବନ ବି ସଂଘର୍ଷପୂର୍ଣ୍ଣ ରହିଥିଲା । ୩୮ ବର୍ଷିୟ ସଂଞ୍ଜିବଙ୍କ କ୍ୟାରିୟର ଏବଂ ଜୀବନ ବଳାତ୍କାର ଆରୋପ କାରଣରୁ ଛନ୍ଦି ହୋଇ ପଡିଥିଲା । ତାଙ୍କ ଉପରେ ତାଙ୍କର ଜଣେ ମହିଳା ବନ୍ଧୁ ବଳାକାôରର ଦୋଷ ଦେଇଥିଲେ । ଏହାଯୋଗୁ ସେ ନିଜ ଚାକିରି ହରାଇ ବସିଥିଲେ । ସଂଞ୍ଜିବ୍ ଭାରତୀୟ ନୌସେନାରେ କାମ କରିବା ପରେ ୨୦୦୧ମସିହାରେ ବନ୍ଧୁକ ଚାଳନା ଶିକ୍ଷା କରିଥିଲେ ଏବଂ ଏହା ପରେ ସେ ଲଗାତାର ପଦକ ଜିତିଥିଲେ ।
