ନୂଆଦିଲ୍ଲୀ: ୨୦୨୩ ବିଶ୍ୱକପ ଟୁର୍ନାମେଣ୍ଟର ପ୍ରଥମ ମ୍ୟାଚ୍ ଅକ୍ଟୋବର ୫ରେ ଅହମଦାବାଦରେ ଖେଳାଯିବ | ଏଥିପାଇଁ ପାଇଁ ପ୍ରସ୍ତୁତି ଆରମ୍ଭ ହୋଇଛି | ଯେହେତୁ ଭାରତରେ ବିଶ୍ୱକପ ଅନୁଷ୍ଠିତ ହେବ, ତେଣୁ ବିସିସିଆଇ ଷ୍ଟାଡିୟମଗୁଡିକର ଉନ୍ନତିକରଣ କାର୍ଯ୍ୟ ଆରମ୍ଭ କରିଛି। ପ୍ରାୟ ୭ଟି ଷ୍ଟାଡିୟମର ବିସିସିଆଇ ଅପଗ୍ରେଡ଼ କରିବ | ଏକ ରିପୋର୍ଟ ଅନୁଯାୟୀ, ବୋର୍ଡ ଏଥିପାଇଁ ଷ୍ଟାଡିୟମ ପିଛା ୫୦ କୋଟି ଟଙ୍କା ଦେବ। ଏହି ତାଲିକାରେ ଲଖନଉର ଅଟଳ ବିହାରୀ ବାଜପେୟୀ ଷ୍ଟାଡିୟମରୁ ଆରମ୍ଭ କରି କୋଲକାତାର ଇଡେନ୍ ଗାର୍ଡେନ୍ ମଧ୍ୟ ରହିଛି |
ବିସିସିଆଇ ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ନୂଆ ଫ୍ଲଡଲାଇଟ ଲଗାଇବାକୁ ନିଷ୍ପତ୍ତି ନେଇଥିବାବେଳେ କର୍ପୋରେଟ୍ ବକ୍ସ ମଧ୍ୟ ନିର୍ମାଣ କରାଯିବ | ସେହିପରି କୋଲକାତାର ଇଡେନ୍ ଗାର୍ଡେନ୍ ଷ୍ଟାଡିୟମର ଡ୍ରେସିଂ ରୁମକୁ ନବୀକରଣ କରାଯିବ। ଧର୍ମଶାଳାରେ ଏକ ନୂତନ ଆଉଟଫିଲ୍ଡ ପ୍ରସ୍ତୁତ କରାଯାଉଛି | ପୁଣେ ଷ୍ଟାଡିୟମରେ ଛାତ କାମ କରାଯିବ। ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ସିଟ ଏବଂ ଶୌଚାଳୟ ମରାମତି କରାଯିବ। ଲଖନଉ ଷ୍ଟାଡିୟମରେ ପିଚ୍ କାମ ଚାଲିଛି | ଚେନ୍ନାଇରେ ପିଚ୍ କାମ କରାଯିବ | ଏହା ସହିତ ଏଲଇଡି ଲାଇଟ୍ ଲଗାଯିବ। ମିଡିଆ ରିପୋର୍ଟ ଅନୁଯାୟୀ, ଲଖନଉର ଭାରତ ରତ୍ନ ଅଟଳ ବିହାରୀ ବାଜପେୟୀ ଷ୍ଟାଡିୟମକୁ ବିସିସିଆଇ ବିଶେଷ ଧ୍ୟାନ ଦେଉଛି। ଏଠାରେ ଆଇପିଏଲ୍ ମ୍ୟାଚ୍ ଖେଳାଯାଇଥିଲା | ଏହି ମ୍ୟାଚ୍ କମ୍ ସ୍କୋରିଂ ଥିଲା | ଏହି କାରଣରୁ ପିଚ୍କୁ ନେଇ ପ୍ରଶ୍ନ ଉଠିଥିଲା | ସେଥିପାଇଁ ବର୍ତ୍ତମାନ ଏଠାରେ ବିଶେଷ ଧ୍ୟାନ ଦିଆଯାଉଛି | ଉଲ୍ଲେଖ ଥାଉ କି ମୋଟ ୧୦ଟି ସ୍ଥାନରେ ବିଶ୍ବକପ୍ ମ୍ୟାଚ୍ଗୁଡ଼ିକ ଆୟୋଜିତ ହେବ। ହାଇଦ୍ରାବାଦ, ଅହମଦାବାଦ, ଧର୍ମଶାଳା, ଦିଲ୍ଲୀ, ଚେନ୍ନାଇ, ଲକ୍ଷ୍ନୌ, ପୁଣେ, ବେଙ୍ଗାଲୁରୁ, ମୁମ୍ବାଇ ଓ କୋଲକାତାରେ ମ୍ୟାଚ୍ଗୁଡ଼ିକ ଖେଳାଯିବ। ବିଶ୍ବକପ୍ ଆରମ୍ଭ ହେବା ପୂର୍ବରୁ ଗୁଆହାଟୀ, ଥିରୁବନନ୍ତପୁରମ୍ ଓ ହାଇଦ୍ରାବାଦ୍ରେ ୱାର୍ମ ଅପ୍ ମ୍ୟାଚ୍ ସେପ୍ଟେମ୍ବର ୨୯ ରୁ ଅକ୍ଟୋବର ୩ ତାରିଖ ପର୍ଯ୍ୟନ୍ତ ଖେଳାଯିବ। ବିଶ୍ବକପ୍ ଅକ୍ଟୋବର ୫ ତାରିଖରୁ ନଭେମ୍ବର ୧୯ ତାରିଖ ପର୍ଯ୍ୟନ୍ତ ଚାଲିବ।
ଗତ ସଂସ୍କରଣର ବିଜେତା ଇଂଲଣ୍ଡ ଓ ଉପବିଜେତା ନ୍ୟୁଜିଲାଣ୍ଡ ମଧ୍ୟରେ ଉଦ୍ଘାଟନୀ ମୁକାବିଲା ଅହମଦାବାଦରେ ଅକ୍ଟୋବର ୫ ତାରିଖରେ ଖେଳାଯିବ। ନଭେମ୍ବର ୧୫ ତାରିଖରେ ମୁମ୍ବାଇ ଓ ୧୬ ତାରିଖରେ କୋଲକାତାରେ ଦୁଇଟି ସେମିଫାଇନାଲ୍ ହେବା ପରେ ନଭେମ୍ବର ୧୯ ତାରିଖରେ ଅହମଦାବାଦରେ ମେଗା ଫାଇନାଲ୍ ଅନୁଷ୍ଠିତ ହେବ। ରାଉଣ୍ଡ ରବିନ୍ ଭିତ୍ତିରେ ଖେଳାଯିବାକୁ ଥିବା ଏହି ପ୍ରତିଯୋଗିତାରେ ପ୍ରତି ଦଳ ଅନ୍ୟୁନ ୯ ମ୍ୟାଚ୍ ଖେଳିବେ। ଆୟୋଜକ ଭାରତ ଚେନ୍ନାଇରେ ଅଷ୍ଟ୍ରେଲିଆ ବିପକ୍ଷରୁ ଅଭିଯାନ ଆରମ୍ଭ କରିବ। ଅକ୍ଟୋବର ୮ ତାରିଖରେ ଏହି ମ୍ୟାଚ୍ ଖେଳାଯିବ।
