(ଓଡିଶା ସ୍ପୋର୍ଟ): ଆଜି ମୋହାଲିରେ ଭାରତ-ଅଷ୍ଟ୍ରେଲିଆ ଦିନିକିଆ ସିରିଜର ଚତୁର୍ଥ ମୁକାବିଲାରେ କୋହଲି ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ । ଭାରତର ଦୁଇ ଓପ୍ନର ରୋହିତ ଓ ଧାବନଙ୍କ ଜୋରଦାର ବ୍ୟାଟିଂ ଜରିଆରେ ଭାରତ ୯ ଓ୍ଵିକେଟ ହରାଇ କରିଛି ୩୫୮ ରନ । ଅଷ୍ଟ୍ରେଲିଆ ପକ୍ଷରୁ ପେସ୍ ବୋଲର୍ ପ୍ୟାଟ୍ କମିନ୍ସ ୫ଟି ଏବଂ ରିଚାର୍ଡ଼ସ୍ ୩ଟି ଓ୍ଵିକେଟ୍ ନେଇଛନ୍ତି । ଦ୍ରୁତ ରନ୍ ସଂଗ୍ରହ କରିବାକୁ ଯାଇ ଭାରତୀୟ ବ୍ୟାଟ୍ସମ୍ୟାନ୍ ଶେଷ ଭାଗରେ ଅଳ୍ପ ରନ୍ରେ ଓ୍ଵିକେଟ୍ ସବୁ ହରାଇଥିଲେ ।
ରୋହିତ ୯୨ ବଲ୍ରେ ୯୫ ରନ୍ (୭ ଚୌକା, ୨ ଛକା) କରି ଶତକର ନିକଟତର ହେବା ପରେ ରାଚାର୍ଡ଼ସନ୍ଙ୍କ ବଲ୍ରେ ଆଉଟ୍ ହୋଇଥିଲେ । ଅନ୍ୟପକ୍ଷରେ ଧବନ୍ ଶତକ କରି ମଧ୍ୟ ଅଟକି ଯାଇ ନଥିଲେ । ଆହୁରି ଜୋରରେ ଆକ୍ରମଣ କରିଥିଲେ । ସେ ୧୧୫ ବଲ୍ରେ ୧୪୩ ରନ୍ କରି କମିନସଙ୍କ ବଲ୍ରେ ବୋଲ୍ଡ ହୋଇ ଯାଇଥିଲେ । ଧବନ୍ ୧୮ଟି ଚୌକା ଓ ୩ଟି ଛକା ମାରିଥିଲେ ।
ଓପ୍ନରଙ୍କ ପରେ ଲୋକେଶ ରାହୁଲ ୨୬, କୋହଲି ମାତ୍ର ୭, ପନ୍ତ ୨୪ ବଲ୍ରୁ ଦ୍ରୁତ ୩୬ (୪ ଚୌକା, ୧ ଛକା), ବିଜୟ ଶଙ୍କର ୨୬ ରନ୍ କରିଥିଲେ ।
ଏହି ମ୍ୟାଚ୍ ପାଇଁ ଭାରତ ୪ଟି ପରିବର୍ତ୍ତନ କରିଛି । ଲୋକେଶ ରାହୁଲ ଆସିଛନ୍ତି ଅମ୍ବାତି ରାୟୁଡୁଙ୍କ ଜାଗାରେ । ସେହିପରି ରବୀନ୍ଦ୍ର ଜାଡେଜାଙ୍କ ସ୍ଥାନରେ ଯୁଜବେନ୍ଦ୍ର ଚହଲ, ସାମିଙ୍କ ଜାଗାରେ ଭୁବନେଶ୍ୱର କୁମାର ଏବଂ ଧୋନିଙ୍କ ବଦଳରେ ୠଷଭ ପନ୍ତ ଖେଳୁଛନ୍ତି । ଦିନିକିଆରେ ଓପନିଂ ଯୋଡ଼ି ଭାବେ ଶିଖର ଧବନ୍ ଓ ରୋହିତ ଶର୍ମା ରନ୍ ସଂଗ୍ରହରେ ଦ୍ୱିତୀୟ ସ୍ଥାନରେ ପହଞ୍ଚିଛନ୍ତି । ।
