ଭାରତରେ ପୁରୁଷ ଫିଫା ବିଶ୍ୱକପ ପରେ ମହିଳା ବିଶ୍ୱକପ

(ଓଡ଼ିଶା ସ୍ପୋର୍ଟ):ଭାରତରେ ଆୟୋଜିତ ହେବ ଫିଫା ୧୭ ବର୍ଷରୁ କମ୍ ମହିଳା ବିଶ୍ୱକପ୍ । ଫିଫା ବିଶ୍ୱକପ୍ ଆୟୋଜନ ଦାୟିତ୍ୱ ପାଇବା ଅତି ଗୌରବର ବିଷୟ । ଗତକାଲି ମିଆମିରେ ବସିଥିବା ଫିଫା ପରିଷଦ ବୈଠକରେ ଏହି ନିଷ୍ପତ୍ତି ନିଆଯାଇଛି । ଏହି ଜୁନିୟର ବିଶ୍ୱ କପ୍ ଫୁଟ୍ବଲ୍ ପ୍ରତିଯୋଗିତାର ଆୟୋଜନ ଭାରତ କରିବ ବୋଲି ସର୍ବଭାରତୀୟ ଫୁଟ୍ବଲ୍ ମହାସଂଘ (ଏଆଇଏଫ୍ଏଫ୍) ସଭାପତି ପ୍ରଫୁଲ୍ଲ ପଟେଲ ମଧ୍ୟ ସୂଚନା ଦେଇଛନ୍ତି । ଫିଫା ବିଶ୍ୱକପ୍ କୁ ସଫଳତାର ସହ ଆୟୋଜନ କରିବାକୁ ଆମେ ପୂରା ଦମ୍ରେ ଲାଗି ପଡ଼ିବୁ ବୋଲି ସେ କହିଛନ୍ତି ।
୨୦୧୭ରେ ଭାରତ ୧୭ ବର୍ଷରୁ କମ୍ ପୁରୁଷ ଫିଫା ବିଶ୍ୱକପ୍ର ସଫଳତାର ସହ ଆୟୋଜନ କରିଥିଲା । ଏହା ପରେ ମହିଳା ବିଶ୍ୱକପ୍ ଆୟୋଜନ ପାଇଁ ଆବେଦନ କରିଥିଲା । ଦ୍ୱିତୀୟଥର ପାଇଁ ଭାରତ ଫିଫା ଟୁର୍ଣ୍ଣାମେଣ୍ଟର ଆୟୋଜନ ସୁଯୋଗ ପାଇଛି । ଭାରତୀୟ ମହିଳା ଦଳ ବିଶ୍ୱସ୍ତରରେ ଏବେ ଉନ୍ନତ ଖେଳ ପ୍ରଦର୍ଶନ କରୁଛି ।