(ଓଡିଶା ସ୍ପୋର୍ଟ): ଆଜି ଭାରତ ବିରୋଧରେ ଆଇସିସି ଟି୨୦ ପାଇଁ ୱେଷ୍ଟଇଣ୍ଡିଜ ଦଳ ଘୋଷଣା ହୋଇଛି । ଭାରତୀୟ କ୍ରିକେଟ ଦଳ ଆସନ୍ତା ମାସରେ ୱେଷ୍ଟଇଣ୍ଡିଜ ଗସ୍ତ କରିବ । ଦଳ ସେଠାରେ କାରବିଆନ ଟିମ ସହ ତିନୋଟି ଟି୨୦, ତିନୋଟି ଦିନିକିଆ ଏବଂ ଦୁଇଟି ଟେଷ୍ଟ ମ୍ୟାଚ ଖେଳିବ । ଦଳରୁ ବିସ୍ଫୋରକ ବ୍ୟାଟସମ୍ୟାନ କ୍ରିସ ଗେଲ ବାଦ ପଡିଛନ୍ତି । କିନ୍ତୁ ସୁନୀଲ ନାରେନ, କିରଣ ପୋଲାର୍ଡ ଦଳକୁ ଫେରିଛନ୍ତି । ଆନ୍ଦ୍ରେ ରସେଲ ମଧ୍ୟ ଫିଟ୍ ହୋଇଛନ୍ତି ।
ଭାରତ ବିରୋଧରେ ପ୍ରଥମ ଦୁଇଟି ଟି୨୦ରେ ସୁନୀଲ ନାରେନ ଓ କିରଣ ପୋଲାର୍ଡଙ୍କୁ ସାମିଲ କରାଯାଇଛି । ଏହାସହ ଏଥିରେ ୱିକେଟକିପର ବ୍ୟାଟସମ୍ୟାନ ଆନ୍ଥୋନୀ ବ୍ରେମ୍ବଲ ଡେବ୍ୟୁ କରିବେ ।
ଗୋଡରେ ଆଘାତ ଲାଗିଥିବାରୁ ବିଶ୍ୱକପରୁ ବାଦ ପଡିଥିବା ଆନ୍ଦ୍ରେ ରସେଲ ଫିଟ ହୋଇଛନ୍ତି । ତାଙ୍କୁ ଦଳରେ ସ୍ଥାନ ମିଳିଛି । ଗେଲଙ୍କୁ ଏଥିରୁ ବାଦ ଦିଆଯାଇଛି । ତାଙ୍କ ସ୍ଥାନରେ ଜନ କେପବେଲଙ୍କୁ ସାମିଲ କରାଯାଇଛି । ତୃତୀୟ ଟି ୨୦ରେ ଗୁୟାମାରେ ଖେଳାଯିବାକୁ ଥିବା ମ୍ୟାଚରେ ଦଳରେ ପରିବର୍ତନ ହୋଇପାରେ । ସମସ୍ତ ଚୟନକର୍ତା ପ୍ରଥମ ଦୁଇଟି ଟି୨୦ ମ୍ୟାଚକୁ ନଜରରେ ରଖି ଦଳ ଚୟନ କରିଛନ୍ତି ।
କାରବିଆନ ଦଳ
କାଲୋସ ବ୍ରେଥବେଟ, ଆନ୍ଥୋନୀ ବ୍ରେମ୍ବଲ, ଜନ କେପବଲ, ସେଲ୍ଡନ କାଟରେଲ, ସମରୋନ ହେଟମାୟାର, ସୁନୀଲ ନାରେନ, ଏଭିନ ଲୁଇସ, କିମି ପଲ, ପିୟରେ, କିରଣ ପୋଲାର୍ଡ, ନିକୋଲ୍ସ ପୂରନ, ରେବମେନ ପାବେଲ, ଆନ୍ଦ୍ରେ ରସେଲ, ଓସାନେ ଥମସ
