ନୀରଜଙ୍କୁ ମିଳିଲା ସ୍ୱର୍ଣ୍ଣ

ଟୋକିଓ(ଓଡିଶା ସ୍ପୋର୍ଟସ): ଶେଷ ହେଲା ଦୀର୍ଘ ଶହେ ବର୍ଷର ଅପେକ୍ଷା । ଅଲିମ୍ପିକରେ ସ୍ୱର୍ଣ୍ଣ ପଦକ ହାସଲ କରିଛନ୍ତି ଭାରତର ପ୍ରତିଯୋଗୀ । ଭାରତ ପାଇଁ ଗୌରବ ପାଲଟିଛନ୍ତି ୨୩ ବର୍ଷୀୟ ଆଥଲେଟିକ୍ସ ନୀରଜ ଚୋପ୍ରା । ଜାଭେଲିନ ଥ୍ରୋରେ ସ୍ୱର୍ଣ୍ଣ ପଦକ ଜିତି ଭାରତ ପାଇଁ ସୁନା ପୁଅ ପାଲଟିଛନ୍ତି ନୀରଜ । ଏଥିସହିତ ସେ ଦେଶ ପାଇଁ ଚଳିତ ଅଲିମ୍ପିକର ପ୍ରଥମ ସ୍ୱର୍ଣ୍ଣ ପଦକ ଉପହାର ଭେଟି ଦେଇଛନ୍ତି ।
ପ୍ରଥମ ଉଦ୍ୟମରେ ୮୭.୦୩ ମିଟର ଥ୍ରୋ କରିଥିବା ନୀରଜ ଦ୍ୱିତୀୟ ଉଦ୍ୟମରେ ସର୍ବାଧିକ ୮୭.୫୮ ମିଟର ଥ୍ୟେ କରି ଇତିହାସରେ ନିଜ ନାମ ଲିପିବଦ୍ଧ କରିଛନ୍ତି । ଏହାଦ୍ୱାରା ସ୍ୱର୍ଣ୍ଣ ପଦକ ଉପରେ କବଜା କରିଛନ୍ତି ନୀରଜ । ତେବେ ତୃତୀୟ ଉଦ୍ୟମରେ ୭୬. ୭୯ ମିଟରର ଥ୍ରୋ କରି ପାରିଥିଲେ । ଏହାପରେ ନୀରଜଙ୍କ ନିକଟକୁ ରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀଙ୍କ ସମେତ ଅନ୍ୟାନ୍ୟ ମାନ୍ୟଗଣ୍ୟ ବ୍ୟକ୍ତିଙ୍କ ଶୁଭେଚ୍ଛାର ସୁଅ ଛୁଟିଛି ।