ନୂଆଦିଲ୍ଲୀ: ନେତୃତ୍ୱରେ ଭାରତକୁ ଜିତାଇଥିଲେ ବିଶ୍ୱକପ । କିନ୍ତୁ ଏବେ କ୍ରିକେଟ ଜଗତରୁ ସନ୍ନ୍ୟାସ ଘୋଷଣା କରିଛନ୍ତି । ଏହି ଖେଳାଳୀ ଜଣକ ହେଉଛନ୍ତି ଦିଲ୍ଲୀର ବ୍ୟାଟ୍ସମ୍ୟାନ ଉନ୍ମୁକ୍ତ ଚାନ୍ଦ । ଯିଏକି ଭାରତର ନେତୃତ୍ୱ ନେଇ ୨୦୧୨ରେ ୧୯ ବର୍ଷରୁ କମ ବିଶ୍ୱକପ ଜିତାଇଛନ୍ତି । ଏଥିସହ ଘରୋଇ କ୍ରିକେଟରେ ଦିଲ୍ଲୀ ଏବଂ ଉତ୍ତରାଖଣ୍ଡ ତରଫରୁ ଖେଳି ସାରିଛନ୍ତି ।
T1- On to the next innings of my life #JaiHind🇮🇳 pic.twitter.com/fEEJ9xOdlt
— Unmukt Chand (@UnmuktChand9) August 13, 2021
ତେବେ ଆଜି ଏହି ଖେଳାଳୀ କ୍ରିକେଟ ଜଗତରୁ ବିଦାୟ ନେଇଛନ୍ତି । ଏନେଇ ସେ ଟ୍ୱିଟ କରି ସୂଚନା ଦେଇଛନ୍ତି । ଉନ୍ମୁକ୍ତ ଲେଖିଛନ୍ତି, କ୍ରିକେଟ୍ ଏକ ସାର୍ବଜନୀନ ଖେଳ। ହୋଇପାରେ ଅର୍ଥ ବଦଳିଯିବ ମାତ୍ର ଉଦ୍ଦେଶ୍ୟ ଗୋଟିଏ ହିଁ ରହିବ। ସମସ୍ତଙ୍କ ଇଚ୍ଛା ଶୀର୍ଷସ୍ତରରେ ଖେଳିବା। ଏଥିସହ ମୋର ସମସ୍ତ ସମର୍ଥକ ଓ ପ୍ରଶଂସକଙ୍କୁ ମୋର ଧନ୍ୟବାଦ ଯେଉଁମାନେ ମୋତେ ଭଲ ପାଇବା ଦେବା ସହ ହୃଦୟରେ ରଖିଛନ୍ତି। ମୁଁ ନିଜକୁ ଭାଗ୍ୟଶାଳୀ ମାନୁଛି ଯେ, ମୋ ପାଖରେ ଏମିତି ଲୋକ ଅଛନ୍ତି। ସମସ୍ତଙ୍କୁ ଧନ୍ୟବାଦ। ଆଗାମୀ ଅଧ୍ୟାୟ ପାଇଁ ଆଗକୁ ବଢୁଛି।
