ଟୋକିଓ: ଆଜିଠୁ ଆରମ୍ଭ ହେବାକୁ ଯାଉଛି ଟୋକିଓ ପାରା ଅଲିମ୍ପିକ-୨୦୨୦ । ନ୍ୟାସନାଲ ଷ୍ଟାଡିୟମରେ ଏହି ଅଲିମ୍ପିକର ଆୟୋଜନ କରାଯାଉଛି । ବିଶ୍ୱର ୧୬୩ଟି ଦେଶରୁ ମୋଟ ୪୫୩୭ ଜଣ କ୍ରୀଡାବିତ ଭାଗ ନେଉଥିବା ଏହି ଅଲିମ୍ପିକର ଉଦଘାଟନ କରିବେ ସମ୍ରାଟ ନାରୁହିଟୋ । ତେବେ ମୋଟ ୨୨ଟି କ୍ରୀଡାରେ ଆୟୋଜିତ ହେବ ୫୩୯ଟି ଇଭେଣ୍ଟ । କେବଳ ଟୋକିଓ ନୁହେଁ ସାରା ବିଶ୍ୱରେ କୋରୋନା ସଂକ୍ରମଣର ସ୍ଥିତି ଏବେ ବି ଗମ୍ଭୀର ରହିଛି । ଗତ ୨୪ ଘଣ୍ଟା ମଧ୍ୟରେ ଜାପାନରେ ୨୨,୨୮୫ରୁଅଧିକ କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୩୫ ଜଣ ପ୍ରାଣ ହରାଇଛନ୍ତି । ଏହା ପରେ ମଧ୍ୟ ଏଠାରେ କ୍ରୀଡା ଆୟୋଜିତ ହେଉଛି । ତେବେ ଏଠାକୁ ଦର୍ଶକମାନଙ୍କୁ ଅନୁମତି ମିଳିନାହିଁ । ଉଦ୍ଘାଟନୀ ଉତ୍ସବରେ ମାରିଆପ୍ପାନ ଥଙ୍ଗାଭେଲୁ ଭାରତୀୟ ଦଳର ନେତୃତ୍ୱ ନେଇ ତ୍ରିରଙ୍ଗା ଧାରଣ କରିବେ । ତାଙ୍କ ସହ ମୋଟ୍ ୧୧ ଜଣ ଉତ୍ସବରେ ସାମିଲ ହେବାର କାର୍ୟ୍ୟକ୍ରମ ରହିଛି । ଏଥର ମୋଟ୍ ୫୪ ଜଣ ଭାରତୀୟ ଟୋକିଓ ଟିକେଟ୍ ହାସଲ କରିଛନ୍ତି। ବ୍ୟାଡମିଣ୍ଟନ ଏହି ପାରାଲିମ୍ପିକ୍ସରେ ପଦାର୍ପଣ କରିବ । ଅନ୍ୟ ପରେ ଟୋକିଓ ପାରାଲିମ୍ପିକ୍ସ ଉଦ୍ଘାଟନୀ ଉତ୍ସବ ପୂର୍ବରୁ ପୁରୀ ବେଳାଭୂମିରେ ବାଲୁକା ଶୀଳ୍ପି ସୁଦର୍ଶନ ପଟ୍ଟନାୟକଙ୍କ ବାଲୁକା କଳା ମାଧ୍ୟମରେ ଶୁଭେଚ୍ଛା ଜଣାଇଛି।
Best wishes to the entire contingent competing at the #Paralympics #Praise4Para #Cheer4India #Tokyo2020 . My SandArt at Puri Beach in Odisha. pic.twitter.com/bjFC8TwH7r
— Sudarsan Pattnaik (@sudarsansand) August 23, 2021
